答案係無嘅。今朝早本來仲見到 512GB 金仲有一百幾十賺，點知去到下午，已經變到全蝕，而就算係 128GB 還是 256GB，都暫時仲係正數，如昨日所說，128GB 個價比起 256GB 甚至 512GB 企得硬，而且只限金色，始終可能少人放，但今年既然無得炒，所以都唔會賺得多，最多賺 $351 當賺返幾餐飯；而 256GB 則由加 $1 至加 $301 不等。
如果你手上仲持住 iPhone 12 Pro Max，其實可能唔係你唔想放，唔係想 Strong Hold，而係無乜舖頭收，咁下星期會唔會有轉機呢？有小道消息就話，下個星期聽講會無貨返，可能有機會會升返上嚟。戴返頭盔，小道消息未必準，大家都係傳傳下，但既然而家係唔係都輸，都輸到無得再輸，不妨可以再睇定啲，睇下下星期咩環境再作打算，不求賺錢，但求平手放出。
回收價參考：iPhonePriceHK.com
按這裡緊貼 iPhone 12 / iPhone 12 Pro 回收價報價