iPhone 12 系列推新色!呢隻紫色網友即換機? 左定坤 (Cho Ting Kwan) 2021-04-21 01:16 | Apple 今次 Apple 發佈會,iPad Pro 固然會係主角,不過講 iPad 之前,佢哋首先就講咗,佢哋嘅 iPhone 12 系列會推出新顏色。到底新顏色又係咪靚到,令大家有立即換機嘅衝動呢? Apple 宣佈 iPhone 12 以及 iPhone 12 mini 會推出新顏色,而呢隻顏色就係紫色。除咗用上玻璃機背,配合同顏色嘅鋁金屬邊框,令人有種渾然一體嘅感覺。新色會在本周五,即 4 月 23 日,接受預訂,並於 4 月 30 日正式開賣。