【iOS 實用教學】免第三方 App!教你利用 iPhone 辨識你覺得好聽 但忘了歌名的音樂

左定坤 (Cho Ting Kwan) 2023-01-18 15:27 | Apple
唔知大家有無試過,行行下街突然聽到某間店舖播緊首歌好熟悉,好好聽,但硬係唔記得首歌叫乜名,然後係咁好細心聽佢歌詞,再走去 Google Search?版主成日都係咁,好有經驗,不過其實作為一個 iPhone 用家,邊使咁麻煩,唔使裝任何 App,就可以幫你辨識你而家聽緊嘅係乜歌。唔知點做?內文教你!

FB.jpg

就算你係 iPhone 用家,都未必會留意到,其實 iPhone 入面係有個叫做「音樂辨識」嘅功能,唔需要下載任何第三方 App,都可以透過呢個功能去辨識你聽緊嘅音樂。

透過「輔助中心」辨識音樂


開始之前,首先你要進行以下的設定

001: 去「設定」。
002: 進入「控制中心」。
003: 在「更多控制項目」位置,按下「音樂辨識」旁的「+」。
004: 呢個時候,「音樂辨識」功能就會出現喺你嘅「控制中心」裡。
005: 只要從右上方拉下去,打開控制中心,點一下「音樂辨識」的符號。
006: 如果辨識到係乜歌,就會彈出通知話畀你知係乜歌。
007: 長按通知,可以在 Apple Music 入面打開呢首歌並聆聽。
 
IMG_1722.PNG IMG_1721.PNG

少少 Tips,在控制中心長撳「音樂辨識」按鍵,可以查看到之前透過呢個功能辨識嘅記錄:

IMG_1722.PNG

透過 Siri 指令辨識音樂

其實如果你識英文的話,你亦可以長按電源鍵或者叫「Hey Siri」,然後同佢講「 What's this song」,之後 Siri 都會自動同你辨識你所在位置播緊嘅音樂係乜。不過可惜呢個指令,似乎只限英文,版主試過轉用廣東話:「呢首係乜嘢歌」,佢同我去咗我聯絡人度搵咗個叫 Echo 嘅人出嚟,所以我如果喺條街上,會寧願用返上面個方法會好啲。
 

最新新聞