2022 年 Apple 已開始從其他方面控制成本
事實上，由 2022 年夏季開始，Apple 就持續透過成本控制、提高營運效率等方式，降低非必要嘅支出，藉此避免需要透過裁減人員精簡開銷情況。目前 Apple 手邊已經累積超過 1650 億美金嘅流動資金，同時上季營收就達 1239 億美金，淨盈利更高達 346.3 億美金，顯示 Apple 本身仍然有高度獲利能力。除咗 iPhone 可以獲利之外，Apple 目前喺 Apple Music、iCloud 等服務嘅獲利，亦都有顯著嘅增長。而除咗硬件同埋服務持續賺到錢，Apple 接住落嚟仲計劃藉住跨入虛擬視覺市場，增加更多獲利來源，而 Apple 更持續控制成本，降低非必要開支，藉此令自身獲利維持最大化，大幅減少技術人員流失問題。
人搞元宇宙，Apple 以不變應萬變
相比 Google、Microsoft、Meta 呢類公司，呢啲公司過去兩年疫情期間一直大舉招攬人才，同時宣布進軍元宇宙等新興市場發展，但 Apple 相對喺呢段期間低調好多，除咗常規產品更新，幾乎喺發展策略上無乜太大變動，主要喺既有嘅賺錢項目愈做愈好，呢啲就好似道家思想所講嘅「以不變應萬變」，即係咩意思，即係事物每時每劇都發生緊變化，但佢嘅變化都會遵循一定嘅軌跡，無論點變，都脫離唔到根本，所以 Apple 會喺人哋係咁變嘅時候，先觀察咗，摸清人哋個底，呢個係一個都幾聰明嘅做法。Apple 用呢三招面對困局
而正正因為 Apple 一啲聰明嘅策略，所以就算面臨疫情、國際匯率、戰爭等因素影響，Apple 實際上受到嘅影響，並唔係好似其他公司咁明顯。其中佢採取嘅方式包括：001: 將原本一年發放兩次獎金改為單次發放，唔單止可以令現金喺手上更長時間，藉此進行更有彈性嘅應用或者增加更多存款利息，同時更可以說服技術人才繼續留喺 Apple 貢獻。
002: Apple 亦將唔少原本規劃嘅新發展項目延後推出，例如之前傳咗好耐嘅 VR AR 頭戴、附帶屏幕嘅 HomePod 裝置，將研發嘅 Budget 分配畀好似 iPhone 14 系列上嘅衛星緊急通訊功能等更有迫切性嘅發展項目。類似 ChatGPT 嘅 Apple AI 亦都可能需要等下。
003: 其他部分，亦包括暫緩非必要人員招募，所以就算有部分員工離職，有空缺都唔會即刻補上，同時亦暫緩內部員工申請調職、轉往其他單位任職等等，而員工出差亦都必須得到高階主管批准，並且加強員工出勤考核，過濾未符合工作績效嘅員工。