傳高盛唔玩
根據《華爾街日報》嘅報導，Apple Card 嘅合作銀行高盛，想終止同蘋果嘅合約。高盛而家喺同另一個金融機構談判緊。今次傳出高盛唔玩，相信同佢哋嘅公司策略有關。聽到高盛呢個名，大家都只會聯想到經濟分析報導或者係股票、證劵賣點，Apple Card 係呢間公司少數面對普羅大眾嘅理財業務。事實上，市場早前已傳出高盛想減少呢部份嘅業務，令佢哋有更好嘅盈利能力。今次傳出高盛有機會唔玩，唔代表 Apple Card 會壽終正寢，消息指出，高盛其實想把 Apple Card 業務由美國運通接手。美國運通即係 AE。美國運通係美國，甚至全世界，都有廣泛零售銀行業務，唔少香港人都有一張 AE 卡吧。事實上，申請 AE 都唔係一件難事。所以，傳出 Apple Card 轉跟美國運通合作，其實令 Apple Card 更易打出美國以外嘅市場。不過，由於 Apple Card 都有利用 MasterCard 信用卡網絡，若轉成 AE，就要用上 AE 卡嘅網絡，流通性始終不及 MasterCard。另一方面，要家陣用開 Apple Card 嘅用家轉卡又係一件幾麻煩嘅事。
《華爾街日報》仲話，高盛同美國運通嘅交易並唔係「馬上或者肯定」會發生。同時，蘋果都要同意新嘅合作夥伴關係。報導話，蘋果知道呢次嘅討論。到底 Apple Card 發行商會轉到 AE，若轉咗做 AE 為合作單位，又會否在美國以外，也會推出市場？暫時都係未知之數。
內源：The Verge