呢款名為「日誌」嘅應用程式，可以畀你記錄每日嘅想法同埋活動，並可以融合相片、音樂、運動等數據，甚至仲會提供寫作主題嘅建議。
創建第一個日誌
001：升級咗 iOS 17.2 之後，會出現一個叫做「日誌」嘅應用程式。002：打開「日誌」，你會見到寫住「開始寫日誌 撰寫你的個人日誌。點一下加號按鈕來開始使用。」而加號按鈕就位於畫面嘅下方。
003：點撃「加號按鈕」之後，頂部你會見到有「新增條目」，而下面會有「選取時刻並撰寫」的按鍵，預設在「建議」的頁面，下方會有一些建議，例如我上星期去咗朋友婚宴，佢就會將我喺嗰日酒店影嘅相，Group 埋咗一個 Folder 去建議你記錄低。佢亦會提供一些寫作建議，例如叫你反思「寫下一個能為你帶來最大樂趣的活動」。
004：例如我就揀咗去朋友婚宴嘅相做示範，佢會自動同我揀咗 10 張相，然後佢會有啲引導性嘅問題，例如「這次出遊有什麼會讓你留下最深刻的印象」。
005：你可以添加相片、語音錄音、位置標籤等等，在使用呢啲功能之前，系統會提示你允許應用程式使用你的相片、相機、麥克風、位置嘅權限。日記會自動標記日期，你亦可以為最鍾意嘅條目添加書籤。
點撃底部嘅「加號」。
應用程式會給你一些建議，例如我揀咗去朋友婚宴嗰日嘅時刻。
入到去，可以記錄你嗰日嘅感受或者發生過乜事。設定日記寫作計劃
透過「日誌排程」功能，你的 iPhone 可以幫你保持日記寫作嘅習慣，以下為設定嘅步驟：001：打開 iPhone 上嘅「設定」。
002：下滑並尋找「日誌」。
003：點撃「日誌排程」。
004：進去你會見到排程旁邊有個「開關」，開啟之後可以設定你想逢星期幾被提醒寫作，以及接收提醒嘅時間。
鎖定日記
對於寫日記嘅網友嚟講，個人隱私以及安全性係相當重要，因此 Apple 嘅「日誌」應用程式，加入咗加密以及密碼保護嘅增強安全功能，以保護你嘅日記唔會被未經授權去查看。只要跟住以下步驟，就可以使用你裝置嘅密碼、Face ID 或 Touch ID 鎖定你嘅日記：001：打開 iPhone 上「設定」。
002：下滑並點撃「日誌」。
003：點撃「鎖定日誌」，並輸入你裝置的密碼。
004：打開「鎖定」旁嘅「開關」。
005：點撃「需要密碼」，然後選擇「立即」、「1分鐘後」、「5 分鐘後」或者「15 分鐘後」。
之後，除非輸入手機密碼或者使用 Face ID / Touch ID，否則無人可以查看你嘅日記。
