![內文.jpg 內文.jpg](https://timgm.eprice.com.hk/hk/mobile/img/2023-12/29/222788/eprice_1_438e1f9219dfa34142595ee56f326631.jpg)
001:iPhone mini 系列無咗
其實自 iPhone 14 系列開始,Apple 已經改變策略,無再推出 iPhone 14 mini,轉而推出大芒嘅 iPhone 14 Plus。然而,喺 iPhone 14 系列推出嘅時候,如果你真係想入手細芒 iPhone,你仍然可以買返舊代嘅 iPhone 13 mini。可惜嘅係,自今年 iPhone 15 系列推出,佢哋就停售咗 iPhone 13 mini,變相呢個系列嘅細芒手機,終於都正式玩完。雖然有好多消費者都話,願意為細芒型號付出任何代價,但銷量卻唔足以支持 Apple 繼續生產,而且細芒手機有一個敗筆,就係成日都要叉電,雖然手感好正,但電池續航力真係太過差。![iPhone mini.jpeg iPhone mini.jpeg](https://timgm.eprice.com.hk/hk/mobile/img/2023-12/29/222788/eprice_3_a5014049c16dd82d6285ae9c58a259e0.jpg)
002:Lightning AirPods Pro 2 無咗
Apple 亦都停產咗帶有 Lightning 連接嘅 2022 年 AirPods Pro 2,轉而採用帶有 USB-C 嘅型號,原本以為 Apple 只係會換個新外殼,但 Apple 發佈新一代嘅 AirPods Pro 2,並配備咗 Apple Vision Pro 藍牙無損音訊以及 IP54 防水防塵認證。![AirPods+Pro+2+USB-C+vs+Lightning+2.jpg AirPods+Pro+2+USB-C+vs+Lightning+2.jpg](https://timgm.eprice.com.hk/hk/mobile/img/2023-12/29/222788/eprice_3_668f1d9e36681eadd7094845daa70333.jpg)
002:MagSafe 外接式電池無咗
因為都無 iPhone mini 系列推出,所以基本上都無 MagSafe 外接式電池嘅需要,雖然呢件產品設計上係幾靚,但可惜充電效率真係低得可憐,據外媒分享,得個貴字,用嚟叉任何 iPhone 連一次都無辦法叉滿,即係話就算幾靚都無用。![magsafe-battery-pack-1.jpg magsafe-battery-pack-1.jpg](https://timgm.eprice.com.hk/hk/mobile/img/2023-12/29/222788/eprice_3_59e4c9bc9e7d9459ba323809c67c2988.jpg)
003:Touch Bar 消失
MacBook 上嘅 Touch Bar 好唔好用,就真係見仁見智,我本身無用開,就唔覺得好有用,但我都識有啲行家,異常欣賞呢個 Touch Bar,覺得好正,設計一流。然而,自從用上 M3 晶片嘅 MacBook 推出之後,Touch Bar 正式成為歷史。![macbook-pro-touch-bar-2017-bgr-1.jpg macbook-pro-touch-bar-2017-bgr-1.jpg](https://timgm.eprice.com.hk/hk/mobile/img/2023-12/29/222788/eprice_3_58b5c6035b07dd6dbc993d7f2e0aa3f2.jpg)
004:MagSafe Duo 不再支持
MagSafe Duo 同樣都係一個充電器,雖然我自己無用過呢件配件,但外媒就評價呢款配件設計十分糟糕,雖然佢好適合 iPhone 12 用,但唔適合 13 Pro 用。隨住相機模組愈來愈大,為新嘅 Pro 型號叉電變得更加困難。當 Apple Watch Ultra 推出嘅時候,已經唔支持 MagSafe Duo 充電器。不過,有傳聞指 Apple 嚟緊可能會發佈 MagSafe Duo 嘅第二代產品,或者到時會有新嘅替代方案。![img-0575.jpg img-0575.jpg](https://timgm.eprice.com.hk/hk/mobile/img/2023-12/29/222788/eprice_3_72ded491594cc7d3acae1148d30ba1f4.jpg)
005:皮革配件停產
Apple 喺 2023 年停產咗多種皮革配件,為咗喺 2030 年實現碳中和,Apple 決定唔再賣任何皮革配件,包括適用於 AirTag、Apple Watch、iPhone、iPad 以及 Mac 嘅產品,轉而使用 FineWoven,但呢個係一個頗具爭議嘅選擇。![iphone-14-pro-cases-bgr-2.jpg iphone-14-pro-cases-bgr-2.jpg](https://timgm.eprice.com.hk/hk/mobile/img/2023-12/29/222788/eprice_3_cbbd63ab28d8b5d6a728136c52bb5af7.jpg)
006:Lightning AirPods Pro 2 無咗
Apple 亦都停產咗帶有 Lightning 連接嘅 2022 年 AirPods Pro 2,轉而採用帶有 USB-C 嘅型號,原本以為 Apple 只係會換個新外殼,但 Apple 發佈新一代嘅 AirPods Pro 2,並配備咗 Apple Vision Pro 藍牙無損音訊以及 IP54 防水防塵認證。![AirPods+Pro+2+USB-C+vs+Lightning+2.jpg AirPods+Pro+2+USB-C+vs+Lightning+2.jpg](https://timgm.eprice.com.hk/hk/mobile/img/2023-12/29/222788/eprice_3_668f1d9e36681eadd7094845daa70333.jpg)
立即睇/聽我們的 Podcast 節目,更加一清二楚
.....純聲音檔案,可按這裡,iPhone / iPad 用家可透過 Apple Podcast 收聽