Apple 表示，就算佢哋唔同意都好，佢哋都有義務遵守業務所在國家或地區嘅法律，並表示基於國家安全考慮，中國國家互聯網信息辦公室下令從中國 App Store 刪除這些應用程式，但呢啲應用程式仍然可以喺佢哋出現嘅所有其他商店下載。從 Apple 句話可以看出，其實佢哋唔同意㗎，但又唔知點解經常滿足中國要求，喺法律要求嘅情況下從 App Store 刪除軟體，包括 VPN、新聞和社交媒體應用程式。
自去年 7 月首次亮相，Threads 就已在中國推出，並躋身前五大應用程式之列。中國一直都禁止 Meta 嘅服務，因此 Threads 持續咗接近一年，確實令人驚訝。更令人驚訝嘅係，就連 WhatsApp 都喺中國 App Store 存在咗咁耐。
不過，根據外媒表示，從技術上來說，Meta 仍然可以透過 VPN 工具去存取，只要你有 VPN 應用程式，iPhone 用家仍然有機會可以使用到 Meta 嘅服務。
來源：9TO5Mac