說的是 Clicks 智能鍵盤，適用於 iPhone 16 Pro 以及 iPhone 16 Pro Max，原本建議零售價分別為 $1158 同 $1298，而家優惠價只需 $670 以及 $765，呢個價錢買嚟當玩具玩下，懷舊一下以前 BlackBerry 手機嘅感覺，你又會唔會考慮呢？
唔係藍牙鍵盤咁簡單
Clicks鍵盤嘅設計概念好直接，就係為 iPhone 16 Pro 系列加入一個實體 QWERTY 鍵盤。佢唔使配對，通過機身嘅 Type-C 接口直接連接，同時可以讓手機繼續進行充電和數據傳輸。意味住你插上鍵盤，就可以一邊快速打字，一邊幫手機叉電，對於需要長時間處理文字嘅用家來講，似乎幾方便。鍵盤本身亦都加入咗一啲實用功能，例如支援 MacOS 嘅快捷鍵操作，亦設有自訂功能鍵。官方聲稱可以提升打字嘅準確度、手感同速度，而且能充分利用屏幕空間，避免虛擬鍵盤遮擋大半個畫面的問題。
創意十足，但唔係人人需要
老實講，$765 買個實體鍵盤專門用喺手機上，確係一個頗為小眾嘅選擇。版主認為呢件產品有兩類人可能會特別啱用：重度文字工作者：如果你嘅工作離不開手機，需要經常喺流動中撰寫長篇郵件、報告，或者處理大量文字輸入（例如記者、編輯、社交媒體經理），實體鍵盤帶來嘅手感同效率提升，可能值回票價。
懷舊黑莓機用戶：對於當年鍾情黑莓（BlackBerry）實體鍵盤手感嘅用家，Clicks鍵盤可能係一份情意結，能帶來一種熟悉又高效嘅操作體驗。
不過，對於大部分一般用家，手機嘅虛擬鍵盤可能已經足夠應付日常通訊。加上安裝鍵盤後，手機嘅整體尺寸會變厚變大，便攜性一定會打折扣。所以話，呢件產品好睇你個人嘅使用習慣同需求。