iPhone 17e 有乜好
iPhone 17e 係 Apple 最親民入門款，今次減價優惠是最入門 256GB 型號，賣價 HK$5099，比起一年前的 iPhone 16e 是加量不加價，以 iPhone 來說，是性價比超高。核心賣點包括用上 iPhone 17 同級最新 A19 晶片，效能強勁，CPU 接近旗艦級，支援完整 Apple Intelligence AI 功能。相機方面，用 48MP Fusion 單鏡頭系統，支援 2x 光學質素變焦，等於一鏡兩用，拍人像同風景都靚，仲可錄 4K Dolby Vision 影片，質素出色。前鏡頭 12MP TrueDepth，Face ID 安全解鎖。屏幕係 6.1 吋 Super Retina XDR OLED，亮度夠高（峰值 1200 nits），色彩鮮豔，支援 True Tone 同 Wide Color。新一代 Ceramic Shield 2 面板，防刮能力提升 3 倍，更耐用。雖然維持 60Hz，但日常使用夠順。最大升級係終於加入 MagSafe 磁吸充電，無線快充更方便，兼容大量磁吸配件如錢包、車架同充電器，體驗大幅提升。仲有衛星通訊功能，無訊號時可緊急求助、傳訊息同找機。香港版同時支援 eSIM，呢排越嚟越多 eSIM 產品，感覺就更加合用。
3 香港上台半價
3 香港做緊上台半價入手 256GB 版 iPhone 17e。以機價 HK$5099，即是上台價會係 HK$2550。不過，3 香港要求要用 3 地共享數據計劃 （中、港、澳門) ，月費最平都要 $188 / 50GB 用量，仲要簽 36 個月合約，實際月費 ＋買機總開資為 : HK$9318。
HKBN 機價平 $1100
3 香港做緊上台入手 256GB 版 iPhone 17e 機價 HK3999，比原價平 $1100 （其實，其他 iPhone 17 系列及 iPhone Air 都有得減，但不在今次比較中) ，月費最平 $98 / 39GB 本地用量，簽 24 個月合約，不用行政費，實際月費 ＋買機總開資為 : HK$6,351。
由此可見，香港寬頻 HKBN 上台，連上月費的話，你買入 iPhone 17e 總開支會是比 3 香港平的。不過，3 香港的月費，是包括了中國內地及澳門的用量，這些三地數據月費，本身都係比較貴，所以，要最後你要看看你對數據使用地方需求了。
3 香港 Facebook 專頁
HKBN Facebook 專頁