新 iPhone 發佈及開賣估計時程
根據資料顯示，Apple 過往多數喺 9 月第二個星期二或者星期三舉行新手機發佈會。由於今年嘅勞動節喺 9 月 7 日星期一，Apple 一向唔會喺長假期之後即刻搞活動，所以發佈會好大機會喺 9 月 9 日星期三舉行。另外，由於預訂日啱啱好撞正 9.11 恐襲 25 週年，預訂程序預計會順延到星期六進行。九月至明年初新品
產品陣容方面，焦點一定係首款摺疊屏幕 iPhone。呢部新產品標誌著品牌第一次涉足摺疊屏幕領域，亦係 iPhone 推出二十年嚟首次重大外形轉變。雖然市場上其他品牌嘅同類產品已經出咗一段時間，但係今次登場預料會幫手將呢個概念正式帶畀主流用家。同場預料會亮相嘅仲有 iPhone 18 Pro、iPhone 18 Pro Max，同埋 Apple Watch Series 12 拍住 Apple Watch Ultra 4。另一方面，新一代 Apple TV 同 HomePod mini 據悉都準備好喺今個秋季推出；至於品牌首款智能家居中控台亦有可能喺發佈會上率先預覽。至於配備 M6 處理器嘅 MacBook Pro、新 iMac 同升級版 iPad mini，市場預料會留返 10 月至正式公佈。隨著各項新品籌備工作進入最後階段，9 月發佈會嘅實際安排同埋各款創新裝置嘅詳情好快就會公佈。來源：Bloomberg