傳 Tim Cook 僅列席 VIP 專區 影片全程不見身影
根據彭博記者 Mark Gurman 喺最新一期《Power On》專欄透露，喺下星期三舉行嘅 Apple Event, 即係 iPhone 18 及 Apple 摺機發佈會入面，Tim Cook 只會以觀眾身份坐喺現場 VIP 專區睇片，正式發佈影片本身完全唔會有佢出鏡。報道提到，目前所收到嘅內部情報均指向呢一個安排，基本上確定發佈片內唔會見到 Tim Cook。確立核心代表地位 為折疊屏 iPhone 發佈鋪路
報道分析，Apple 今次嘅安排係經過精準計算嘅交接策略。品牌希望將 John Ternus 塑造成折疊屏 iPhone 以及後續所有全新產品嘅核心代表人物。如果繼續安排 Tim Cook 喺片入面發言，反而會分薄咗焦點，影響到新一代領導層建立形象嘅效果。因此，今次官方決定完全唔安排 Tim Cook 喺影片中亮相。硬件主管變 CEO 獨挑大樑 產品介紹邁入新階段
多年嚟 Apple 每次搞大型發佈會，行政總裁嘅發言都係全場焦點所在。John Ternus 主理硬件工程部門一段時間，今年開始升職至 CEO,，過往亦多次喺產品片入面詳細解說硬件架構。今次面對備受關注嘅折疊屏 iPhone 等新產品，由 John Ternus 獨挑大樑，意味住產品介紹正式邁入由佢主導嘅新階段。來源：Power On