iPhone 18 開賣掀放機潮 手機回收商推 7 日保證鎖價 仲可以約喺港鐵站交收
左定坤 (Cho Ting Kwan)
2026-09-16 19:08
|
Apple
隨住 Apple 新一代旗艦機 iPhone 18 及 iPhone Duo 正式開賣，香港即刻掀起一輪換機潮，今年 iPhone 都貴咗好多，用家都諗緊點樣放咗手上部舊機去補貼新機開支。本地二手手機平台 GOODEVICE 最近就推出咗「7 日保證」鎖價機制，加上支援港鐵站交收，幫一眾準備放機嘅朋友避開二手價急跌嘅風險。
換機備份需時 二手回收價隨時大跌？
每逢有新 iPhone 推出，二手市場嘅回收價變動都可以好大。因為短時間內有大量舊機流入市場，先達同深水埗等地方嘅收機價通常每日都喺度浮動。對於用家嚟講，買咗 iPhone 18 之後，往往要花一兩日時間做資料備份、搬相、轉移 WhatsApp 紀錄，根本無可能即日交出部舊機；但如果拖多幾日先去放，又好容易撞正大跌價，甚至去到現場畀人借故壓價。
網上落單享「7 日保證」 鎖定回收價對抗市場波動
為咗解決呢個情況，GOODEVICE 推出嘅「7 日保證」就相當實用。用家只要去 GOODEVICE 嘅網上估價平台輸入手機型號，如實勾選機身損耗情況，系統就會即時提供報價。只要用家確認落單，呢個報價就會享有足足 7 日嘅價格保證。喺呢 7 日之內，就算外圍二手市場嘅價格點樣跌，GOODEVICE 都會維持原本落單嘅金額收機，完全唔會受到市場價格波動影響。咁樣嘅安排，令用家可以喺等緊 iPhone 18 或者之後嘅 iPhone Duo 送貨或者去攞機之前，先喺網上鎖定舊機嘅高位回收價。等新機到手、順利轉移好所有資料之後，用家喺 7 日內從容完成交收，唔使再心驚膽跳驚舊機貶值。
新增港鐵站交收支援 毋須親身走去觀塘
除咗鎖價機制，GOODEVICE 今次喺交收方式上亦有靈活安排。以往用家放機多數要去到佢哋觀塘門市，其實 GOODEVICE 有「港鐵站交收」服務。用家落單鎖價之後，可以直接預約喺就近嘅港鐵站交收，由專人當面核對機況，慳返特登搭車去門市嘅時間，成個交收過程更加就腳。
全球大數據引擎即時定價 水貨小眾機型通通收得
至於收機能力方面，GOODEVICE 背後有一套「全球大數據型號通配引擎（Global Model Matching Engine）」，全天候監察全球二手市場嘅供需數據。除咗熱門嘅各代 iPhone，就算係水貨、日版、美版純 eSIM 手機或者小眾品牌，系統都可以即時對應全球行情畀出貼市價格。交收嗰陣，店方會透過專業技術徹底抹除手機入面嘅所有個人資料，保障用家私隱，並即場以現金或轉帳方式付款。
線上報價加鐵路交收 建立透明二手放機流程
從市場角度睇，以往去二手舖放機往往存在好多不確定性，價格亦容易一日一變。GOODEVICE 透過線上報價配合 7 日保證，再加入港鐵站交收，為一眾準備換機嘅用家提供咗一個更有預算、更有保障嘅出讓渠道。iPhone 18 及 iPhone Duo 開售推動市場換機需求，GOODEVICE 提供嘅 7 日鎖價承諾同港鐵站交收支援，正好解決咗用家換新機轉移資料期間嘅二手跌價難題。
