華為 P8 加強版低調登場，同原版有乜唔同？
原先華為對外間宣佈會 MediaPad X2 會登場時其實並未有提到會推出加強版的 P8 ，所以再有新機推出都可以話係一個驚喜！同原本的 P8 相比，加強版 P8 係外型上其實已經可以分別到。因為標準版的 P8 係香港就推出左灰色以及銀色兩種顏色，而加強版方面就係以金色作為手機的主色。係硬件方面同標準版 P8 大致上相同，只係在處理器同容量上作出升級，同已經推出的 P8 相比， P8 加強版一樣支援中港 4G 雙卡，屏幕同樣係 5.2 吋 FHD 解像度，相機方面都係 F2.2 光圈的 1300 萬像素主鏡頭配合 800 萬像素前鏡頭，電池也是 2680mAh 。不過係處理器方面加強版 P8 就用上左 P8 Max 所配備的 Kirin 935 八核心處理器配上 3GB RAM 以及 64GB 內置容量，呢方面就同標準版 P8 不同啦！係價錢方面，華為就宣佈 P8 加強版價錢係 $4480 ，將會係 7 月 24 號開賣，係大鋪及指定分店有售。唔知大家又覺得價錢係點呢？留言講講啦！
華為 P8 加強版將會於 7 月 24 日開賣，價錢為 $4480 ，按此查看詳細規格及最新賣價。