4GB RAM 旗艦大戰!Leica 雙鏡頭華為 P9 到港,小米 5 大跌價你點揀?

Lawrence | Huawei
講到今年最有噱頭的旗艦,版主第一時間真係會諗起華為的 P9 ,因為旗艦機間間廠都有,但係同相機巨擘 Leica 合作推出的手機,除左 P9 仲有邊部?雖然華為 P9 幾時正式係香港開賣到而家都係未知之數,但係大陸水貨近日已經從不同渠道來到香港,不論係深水埗還是先達都買到!同時間小米以 S820 旗艦為賣點推出的小米 5 近來價錢都已經有所下調,邊部更抵玩?當然要睇左先知啦!

//timgm.eprice.com.hk/hk/mobile/img/2016-04/19/205198/lawrencelaw_1_4546_be13ea373fd0e8a4e5085a0e4f84b246.jpg

叫人意想不到! Leica P9 大陸供過於求,炒唔起?

華為 P9 係外型上相比上一代 P8 顯得更高貴之餘,更重要係用上左「Co-engineered with Leica」與 Leica 共同製作的 1200 萬像素相鏡頭,而且主相機係規格上都有 Sony IMX286 感光元件,具備 1.25μm 大像素尺寸以及 Leica 認證的 SUMMARIT H 1:2.2/27 ASPH 鏡頭,看來大有可能成為全年「攝影旗艦機皇」,而且一開賣理應銷情會不錯啊!但從版主聽到的消息看來,實情可能又同大家想像中有點出入。

話說版主聽聞,其實華為 P9 係大陸首賣,反應都唔算差,但係同小米 5 開售初期情況就剛好相反。小米 5 大陸開售之初,唔單止顏色唔齊,連貨量嚴重不足,做成供不應求價錢即時炒高的情況。但係華為 P9 今次就做好準備而來,不單標準版/高配版都有,而且貨量仲供過於求,所以一開賣已經無炒價。

係呢個情況下,其實到港不久的華為 P9 水貨賣價其實都幾貼近大陸賣價。版主留意到,如果以全網通+ 4GB RAM 以及 64GB 內置容量版本的 P9 高配版來講,目前大陸定價 3688 人仔,係深水埗福仁方面價錢最平都只係 $4500 左右,可以話係「零炒價」!除左水貨價錢之外,華為 P9 行貨動向都值得留意,話說版主就聽聞,其實華為今次會係大陸開賣不久的時間後在港推出 P9 ,大家應該唔使等好耐啦!

//timgm.eprice.com.hk/hk/mobile/img/2016-04/19/205198/lawrencelaw_3_4546_d76532a70494539f7dcafb88de0eb8ae.jpg
▲ 從華為 P9 的包裝盒已經可以見到精華所在。(係個小紅點,不是 P9)

//timgm.eprice.com.hk/hk/mobile/img/2016-04/19/205198/lawrencelaw_3_4546_fd191c32f54471ec63e71ff462a59c7d.jpg
▲除左深水埗福仁之外,而家先達一樣有貨,可以見到手機外型延續了一貫「華為風」。

//timgm.eprice.com.hk/hk/mobile/img/2016-04/19/205198/lawrencelaw_3_4546_729205b53a47c6bf841c21315bad3355.jpg
▲高配版機背特色就係用上髮絲紋理,而雙鏡頭可以話係手機靈魂所在。


小米 5 黑色版貴兩舊,但有跌勢?

同樣係大陸廠牌,小米今年推出的小米 5 開賣後反應相當熱烈,令水貨價錢都被炒高。本來只係 1999 人仔(大約係 $2372 港幣)的小米 5 標準版,來到香港賣價竟要 $3450!幸好,係開賣一個多月之後,小米 5 的賣價已經下調左唔少, 32GB 版本的標準版賣緊 $2680 ,算係貼近返定價。而 4GB RAM+ 64GB 內置容量的高配版就要 $3480,同大陸定價 2299 人仔(約 $2755 港幣)相比,都仲有一段距離,而且更為搶手的黑色版要價仲要多 $100。

最後,如無意外,兩部大陸旗艦如無意外,應該都會係 16 年上半年到港開賣,唔知大家又對小米 5 還是華為 P9 更感興趣呢?留言講講吧!

//timgm.eprice.com.hk/hk/mobile/img/2016-04/19/205198/lawrencelaw_3_4546_e0cbfed0d28df215d6e3810eda638174.jpg
▲小米 5 的價錢對比初初到港時,已經跌左唔少,但係 4GB RAM + 64GB 內置容量的高階版,都仲係有唔少下跌空間呢。

華為 P9 於文章發佈時,在香港開賣日期未定,按這裡看手機詳細規格及最新賣價
小米 小米 5 於文章發佈時,在香港開賣日期未定,按此看手機詳細規格及最新賣價
廣告