水貨抵港! Honor V9 速開箱!
先講大家最關心的價錢，Honor V9 第一水賣價為 $4280，呢個價錢你可能會諗，不如買番 P9 好過。不過都唔好咁快下判斷住，睇埋開箱評測，望下個樣再講啦! Honor V9，特別是機背部份，俾版主的感覺係，好似 iPhone 7 Plus，尤其是佢個雙鏡頭位置，但 Honor V9 的雙鏡頭，我會覺得係更為美觀，沒有好似 iPhone 7 Plus 咁突左出黎。顏色方面，水貨入左藍色同金色，可惜藍色到貨後瞬間被清，只剩下金色。唔理喇，照俾大家睇住先!
▲ 同以往 Honor 系列包裝盒相似，只不過上面寫住「榮耀V9」。
▲ 機背部份寫住全網通尊享版，所謂尊享版，即係 6GB RAM + 128GB ROM 版本。
▲ 包裝盒裡面有充電器、USB 線、卡針等等。
▲ 火牛寫住最高 18W 輸出。
▲ 配 5.7 吋 2K 芒。
▲ 今次上手的是金色版本。
▲ 機背會見到有雙鏡頭，就咁望落去設計有點似 iPhone 7 Plus，不過佢就唔係好似 iPhone 7 Plus 咁凸出黎。而相機下方會見到有指紋辨識。
▲ 再下方會有 Honor 的字樣。
▲ 右側是音量鍵跟開關鍵。
▲ 而左邊則有三選二孤寒式插槽。
▲ 下方會有喇叭以及 USB Type-C 插槽，當然唔少得嘅係 3.5mm 耳機孔。
▲ 其實版主覺得，藍色會靚好多，難怪咁快被清! 你又點睇呢?
配 Kirin 960 處理器 + 6GB RAM + 128GB ROM，跑分又如何?
華為 Honor V9 同 P10 一樣，配備了 Kirin 960 處理器，內置 6GB RAM 以及 128GB ROM， 相信已經係華為手機目前最高配置的手機，咁跑分方面係咪都一樣咁出色呢? 根據安兔兔跑分結果顯示，V9 的得分為 128793 分，相比 Mate 9 的分數差不多，呢個成績你又滿唔滿意呢?
▲ 安兔兔跑分為 128793 分，當中 3D 以及 UX 效能比較出色。
鳴謝好運數碼借出華為 Honor V9 實機