主題:大舖減價戰!衛訊出招,對手喪跟!華為旗艦兩星期減價兩次

ePrice HK
  • 發表時間:2018-08-31 19:09 收錄檢舉
    講到近期最積極搞優惠的零售商,相信應該是衛訊無誤。的確,很多時候帶頭搞手機減價的,都是衛訊,其他大舖只有跟風的份兒。而他們除了逢星期三會推限時優惠外,早前都出新招,用 $20 衛訊錢,可以用優惠價買機。但很快就被其他大舖照單全跟,仲要係直減,毋須甚麼衛訊錢。衛訊見狀,只好見招拆招,你跟,我再減,睇你跟得幾多。想知今次又有邊部手機落價,睇下文啦!

    大舖減價戰!衛訊出招,對手喪跟!華為旗艦兩星期減價兩次

    其實 $20 衛訊錢的優惠,已經開始咗好一兩個星期,所以起初還以為,都係舊料,無特別。不過,原來衛訊偷偷地再將華為旗艦手機減價,原本有 $20 衛訊錢,P20 就賣 $4480,而 P20 Pro 則賣 $6080,不過既然好快被其他大舖跟咗,唯有再減!由今日開始,只有你有 $20 衛訊錢,P20 就會減多 $200,最新賣價為 $4288,而 P20 Pro 平多一舊,賣 $5988。距離上次減價不足兩星期,其他大舖又會唔會再跟風呢?

    (後來發現)答案是:有!原來其他大舖都第一時間跟左,對網友來說應都是好事!同樣唔使乜嘢衛訊錢,已經可以用相同價錢買到!亦都意味着,大舖之間又開始蘊釀緊一場新的減價戰!唔知網友心目中,最希望邊部手機減價呢?留言講下,可能衛訊果邊會參考呢!表情 #4

    大舖減價戰!衛訊出招,對手喪跟!華為旗艦兩星期減價兩次


    華為 P20 在文章發表時,最新賣價為 $4288,按這裡有詳細規格及最新賣價
    華為 P20 Pro 在文章發表時,最新賣價為 $5988,按這裡有詳細規格及最新賣價

    立即加入Facebook 專頁,新聞/消息/優惠,最快知。

    01樓 ▲TOP 回列表頁