主題:為鴻蒙 OS 作準備?HUAWEI Pay 香港官網現身,能取代 Google Pay?

  • 發表時間:2019-06-21 20:46 收錄檢舉
    華為手機,無 Google 支持,又如何?濕碎啦!華為唔靠你 Google,自家研發恐龍 OS -唔係,係鴻蒙 OS 先啱,英文叫 ArkOS。不過,無 Google 十卜,有一點都唔係好方便,就係未必用到 Google Pay。但,so what,華為自有後著!HUAWEI Pay 香港官網現身,華為手機用家係咪要速速下載呢?不過咁,就算無得用 Google Pay 得 HUAWEI Pay,又能唔能夠完全取代到 Google Pay 呢?

    為鴻蒙 OS 作準備?HUAWEI Pay 香港官網現身,能取代 Google Pay?

    事實上,華為香港會出 HUAWEI Pay,並不是意外嘅事。仲記唔記得,其實四月果陣我哋已經提到,前身為華潤的 U Select,無啦啦搞個推廣活動,係透過銀聯卡 HUAWEI Pay 單一簽賬 $200 即減 $50,但問題係,HUAWEI Pay 果陣都未出,雖然在華為商城可以下載到,而且在 App 內寫住暫時會支持 Tap & Go 銀聯卡,但版主試過,你根本就隊唔到張卡入去 HUAWEI Pay,亦即係話華為果陣自己都未 Ready 好,所以連正式公佈都無。

    而就在剛剛,版主唔知發咗乜神經,突然心血來潮想入華為官網睇下,發現出現了 HUAWEI Pay 的介紹!早一兩個月都未有架!但有趣地,同華為 Sales 八過,雖然呢個 HUAWEI Pay 已經 Launch 咗一兩個星期,但上面 (華為官方) 似乎無意推呢個功能,所以佢哋自己都唔係太了解。

    為鴻蒙 OS 作準備?HUAWEI Pay 香港官網現身,能取代 Google Pay?

    為鴻蒙 OS 作準備?HUAWEI Pay 香港官網現身,能取代 Google Pay?
    ▲ HUAWEI Pay 標誌我暫時唔多見到,不過 UnionPay 就好常見。

    為鴻蒙 OS 作準備?HUAWEI Pay 香港官網現身,能取代 Google Pay?

    為鴻蒙 OS 作準備?HUAWEI Pay 香港官網現身,能取代 Google Pay?
    ▲ 支援以上嘅華為手機。

    為鴻蒙 OS 作準備?HUAWEI Pay 香港官網現身,能取代 Google Pay?
    ▲ 暫時只係支援 Tap & Go 銀聯卡。

    可惜,版主手上剛巧沒有華為手機在手,但又好想試下,而家係咪即係可以加到張卡落 HUAWEI Pay,正式用得到,於是乎就走咗去豐澤,攞啲 Demo 機試下。有趣地,華為商城唔知點解無咗華為錢包 / HUAWEI Wallet 呢個 App,原因暫時不明,不過版主就自己下載個 apk 嚟試,發現成功將 Tap & Go 銀聯卡啪落 HUAWEI Pay 入面,似乎真係正式可以用到了!有咗 HUAWEI Pay,係咪真係無 Google Pay 都唔怕呢?就算到時用恐龍 OS,都能夠取代到 Google Pay 呢?留言講下啦!

    為鴻蒙 OS 作準備?HUAWEI Pay 香港官網現身,能取代 Google Pay?
     

    立即加入Facebook 專頁,新聞/消息/優惠,最快知。

    01樓 ▲TOP 回列表頁