主題:又華為!又落價!P30 系列、nova 系列 網絡商劈價更狠,同大舖鬥平

ePrice HK
  • 發表時間:2019-06-25 20:36 收錄檢舉
    近期好多華為新聞,有花生文,有減價文,彷彿一日有華為,一日都有新聞般~ (講笑 表情 #4)。剛剛發現,華為手機又有減價,P30 系列、nova 系列,都有份。以為大舖減價已經算多,點知原來網絡商劈得仲狠,愛華為,支持華為,必敗?

    又華為!又落價!P30 系列、nova 系列 網絡商劈價更狠
     

    平過大舖!SmarTone 買 nova 4 更抵?

    先講華為 nova 系列,唔使問一定係 nova 4!當然,你可以話,華為 nova 5 發表,舊機減價好平常;但近期太多華為手機減價消息,就連 Y9 Prime 2019 都一出即減,好難唔令人聯想,係大舖刻意想將華為手機清貨。所以說,其實都係睇你點理解~

    今日收到消息,豐澤又將兩部華為手機減價,分別為 P30 Lite 以及 nova 4,前者最新賣價為 $2388,而後者則賣 $2988。不過,如果有留意版主文章,其實豐澤 nova 4 減得太遲,因為衛訊一早減得仲多,賣 $2688。

    (26/6 Updated: 原來衛訊而家所標的「現有客戶價」,已經唔需要會員價,即係係人都可以用優惠價買機)

    係咪衛訊買華為手機已經最平?未算!因為 SmarTone 網店原來劈得更狠!比起衛訊仲要平多 $100,只需 $2588 就買得到,有 Kirin 970 處理器,內置 8GB RAM + 128GB ROM,而且仲有三主鏡頭,支持超廣角以及人像拍攝,電量有 3750mAh。

    又華為!又落價!P30 系列、nova 系列 網絡商劈價更狠
     

    P30 / P30 Pro 旗艦都有優惠

    而再望望其他華為手機,發現原來 SmarTone 都有「超級優惠」,就好似 P30 / P30 Pro 咁,同樣係比起衛訊平 $100,唔計細舖,即係喺 SmarTone 買會更抵。但,風頭火勢,就算減咗價,網友又敗唔敗?留言講下啦!

    又華為!又落價!P30 系列、nova 系列 網絡商劈價更狠

    華為 nova 4 在文章發表時,SmarTone 賣價為 $2588,按這裡有詳細規格及最新賣價
    華為 P30 Lite 在文章發表時,大舖賣價為 $2388,按這裡有詳細規格及最新賣價
    華為 P30 在文章發表時,SmarTone 賣價為 $4488,按這裡有詳細規格及最新賣價
    華為 P30 Pro (256GB) 在文章發表時,SmarTone 賣價為 $6488,按這裡有詳細規格及最新賣價
    華為 P30 Pro (512GB) 在文章發表時,SmarTone 賣價為 $7388,按這裡有詳細規格及最新賣價

    立即加入Facebook 專頁,新聞/消息/優惠,最快知。

    01樓 ▲TOP 回列表頁