互聯網新生態!手機 App 多一個選擇 華為 HMS 在香港啟動

管理員 2019-11-14 17:19 | Huawei
HUAWEI Mate 30 系列近期上市,有留意都知,Mate 30 系列,可以話係喺香港,華為啟動 HUAWEI Mobile Services (HMS) 嘅頭炮產品。事實上,華為更喺十一月初,喺香港舉行咗第一屆嘅 HUAWEI Developer Day,積極推動 HMS 嘅發展。到底,華為手機及其產品,配合咗 HUAWEI Mobile Services 對大家有乜好處?香港嘅 App Developer 又點樣配合得到?一齊睇睇。

FB.jpg

HUAWEI Developer Day 啟動

華為喺 11 月 8 號,首度喺香港舉行 HUAWEI Developer Day,係華為為香港本地 App developer 而設嘅盛會,目的係介紹 HUAWEI Mobile Services (HMS) 所帶嚟嘅開放應用功能以及服務。據知,會上內容包括技術論壇、互動討論以及 CodeLab 等,目的係令華為同香港一班開發者,共同探討點樣打造面向未來嘅全場景智能生態應用,為用家帶來更創新、愜意嘅智能生活體驗。咁 HUAWEI Mobile Services (HMS) 又係乜東東呢?

HUAWEI Mobile Services 下稱 HMS,匯聚咗華為喺芯片、終端以及雲技術方面嘅優勢,包含一整套嘅 HMS Core 服務 (HMS 核心服務),為 App developer 提供相應開發、測試 IDE 工具及平台,以及華為應用程式市場 (HUAWEI AppGallery)、華為瀏覽器,以及華為視頻等應用服務。簡單嚟講,就係一套全新,應用喺華為手機及其互聯網產品嘅 App 配套,一站式處理 App 開發及用家實際使用上嘅需要。

01.jpg

而 HMS 包括嘅內容十分全面,已開放咗 14 項 HMS 核心服務,協助 App Developer 以低成本方式設計及開發應用程式,當中包括:


設計及開發類
1. Account Kit: 可以視為用戶使用 HMS 服務嘅之始,用戶要使用 HMS,一定要使用華為帳號。其一鍵登錄,十分簡單又安全。透過完善嘅資料加密及驗證機制,令開發者毋需擔心安全私隱問題。目前華為帳號已打通咗全球 5 億用戶。

2. Location Kit: 用來提供手機及互聯網產品嘅定位服務。HMS 採用「GPS + WiFi + 藍牙 + 基站」嘅混合定位模式,為開發者提供便捷易用嘅定位介面,令採用 HMS 開發嘅 App,可以快速、精準咁獲得使用者位置資訊。

3. Drive Kit: 即係駕駛 App 嘅套件。HMS 架構支援全終端即時更新檔、App 跨終端即時讀取雲端檔、安全可靠嘅資料加密保護機制等功能,令開發者更輕鬆、安全地儲存使用者資料。

4. Game Service:專為遊戲而設嘅服務,只要使用 HMS 嘅 Game Service,玩家就可以快速接入遊戲服務,更做到跨終端使用,例如你用唔同手機打同一款手機遊戲,都可以取回同一份遊戲資料。當然 HMS Game Service 亦有好高嘅安全性。Game Service 同時有效減低開發成本,令開發者專注於遊戲體驗同創新。

5. Map Kit: HMS 套件提供豐富嘅地圖元素、互動模式,仲有強大 rendering 能力,令 App Developer 定制特定嘅地圖顯示及交互功能。此外,Map Kit 亦支援逾百萬量嘅位置搜尋以及全球位置覆蓋等資訊,大大提升基於位置服務 (LBS) 嘅用家體驗。

業務增長類
6. Push Kit: 好多 App 都會推送資訊及用戶,例如大家會收到新聞 App 嘅 Alert 或者網絡商嘅優惠提示。HMS 包括咗嘅 Push Kit,即係由雲端到設備嘅訊息推送通道,做到資訊或優惠訊息推送,提高 App 嘅使用率。

7. Analytics Kit: 支援簡易高效嘅接入方式、強大嘅分析能力以及安全可靠嘅資料服務等多項功能,協助 App Developer 分析 App 嘅使用情況,創造更大嘅商業價值。

商務類
8. In-App Purchases Kit: App Devleoper 好多都要靠「課金」去賺錢。HMS 集合全球主流支付方式,開發者只需配置一次,即可令 App 頁面自動顯示本地化語言同埋貨幣單位。此外,訂閱服務、訂單服務、Sandbox 測試、商戶管理、商品管理等五大支付服務亦向開發者全面開放,為收費項目做好準備。

9. Ads kit: 好多 App 都有廣告。HMS 為開發者提供符合私隱規定嘅廣告 ID (OAID),喺保護用戶私隱安全嘅同時,提供個人化廣告嘅底層支援,讓開發者繼續利用其他廣告平台發展業務。

HUAWEI Ability Gallery 打通不同智能場景

與此同時,HMS 不單為手機而設,同一款 App,可以透過 HUAWEI Ability Gallery 將應用擴闊至不同嘅智能終端。HMS Core 設計出不同模式嘅服務方案後,包括應用程式及 Quick App 內容等,可通過 HUAWEI Ability Gallery 向全場景智能終端傳遞。簡單嚟講,App Developer 只需將 App 接入 Ability Gallery,即可將服務用喺唔同裝置如華為智能手機、智能屏、AI 音箱等。同時開發者服務可以通過智能助手、語音助手、智能視覺、全局搜索等多個流量入口觸達用戶,令用戶享受到跨場景嘅無縫智能體驗。目前,HUAWEI Ability Gallery 喺中國區已接入逾 5000 項精品服務,並將於本年 12 月全球投入服務。

06.jpg
▲ 現時有超過 300 個本地應用程式,成功上載到 HUAWEI AppGallery。

13.jpeg
▲ CodeLab 實戰工作坊,參加者即場以 Account、Location、Huawei Analytics 三個開發工具包完成編寫,用最短時間完成就叫贏。

睇完之後,大家知道華為嘅 HUAWEI Mobile Service 的確已準備好,大家喺手機及其他智能裝置上,會有更加多嘅服務選擇了。

資料由客戶提供

最新新聞