華為 Mate X2 水貨今日正式抵港，率先到港嘅係 256GB ROM 版本，第一水賣價為 $35000，相比起大陸價 17999 人民幣高出咗唔少，呢個價比原價炒高咗成萬幾蚊，未必人人可以接受得到，除非你想搶先玩到呢部新一代摺機啦。
規格部分，Mate X2 採用 8 吋主屏幕以及 6.45 吋副屏幕，配備自家 Kirin 9000 處理器，內建 8GB RAM，並有 256GB 與 512GB 兩種容量版本；相機為 50MP 標準 + 16MP 超廣角 + 12MP 三倍望遠 + 8MP 100X 潛望式鏡頭，手機除了內建 4500 mAh 電池容量外，也支援 66W 有線快速充電；此外手機也支援藍牙 5.2、Wi-Fi 6+，系統則採用以 Android 11 為基礎的 EMUI 11，並預計在 4 月開放升級為鴻蒙系統。
