千元新機 $1700 有交易!品牌最輕手機!配備 6 系中階 U + 四千電 + 四鏡頭

左定坤 (Cho Ting Kwan) | Huawei
記得以前平價手機,好多時都會因為太過入門級別,使用起來總會覺得有點慢同埋窒,但近年隨住處理器愈來愈進步,就算係千元價位手機,大部分都足以滿足一般人日常生活需要,未必一定下下都要買旗艦機。而今日,市場上就有一部中階平價手機推出,賣點是輕,而且用 6 系 U + 四千電 + 四鏡頭,$1700 有交易都相當夠用。
 

千七蚊有交易!HONOR X8 香港開賣

說的是 HONOR X8,今日正式宣佈推出,建議零售價為 $1699,即日起正式有售,顏色有魅海藍、鈦空銀、幻夜黑三種。而「輕」應該是這部手機賣點之一,HONOR 強調呢部 X8 係目前 HONOR 旗下最輕嘅手機,重量只有 177g,而厚度則為 7.45mm,但同時擁有 6.7 吋大屏幕,解像度為 2388 x 1080,支持 1670 萬種色彩,並配備 TUV 萊茵低藍光認證、電子書模式和深色模式等功能,即使長時間使用或光線昏暗環境中,都能確保舒適的視覺體驗。

honor-x8-pc_06.jpeg
 

HONOR X8 硬件規格

其他規格方面,HONOR X8 配備了 Qualcomm Snadragon 680 處理器,同時配置 HONOR RAM turbo (6GB+2GB),可以將部份 ROM 轉換成 RAM,令 RAM 從原有嘅 6GB 增加至 8GB,而電池方面則有 4000mAh,支援 13 小時 YouTube 影片播放、19 小時網頁瀏覽以及 9.3 小時遊戲體驗,並具有 22.5W 快速充電功能,充電十分鐘可支持 3 小時短片播放。另外,HONOR X8 具有四鏡頭,包括 64MP 主鏡頭、5MP 超廣角鏡頭、2MP 景深鏡頭以及 2MP 微距鏡頭。手機會運行基於 Android 11 的 Magic UI 4.2 系統。
廣告