華為 nova Y70 跌穿千元關口
首先講下今次嘅主角，佢就係華為 nova 系列嘅 Y70，剛推出嘅時候，建議零售價為 $1688，開賣咗大約 1 年多，如今當我打開蘇寧網店，發現佢最新賣價已經減至 $1099，都未算最低價，只要喺蘇寧網店落單輸入優惠碼「23CVS100」，仲可以減多 $100，變相即係 $999 就買得到，跌穿千元價位。呢個價錢，係咪算係性價比最高嘅手機呢？咁我哋就要睇埋硬件規格，華為 nova Y70 係一部採用咗 6.75 吋 TFT 大芒嘅手機，配備華為自家研發嘅 Kirin 710 處理器，內置 4GB RAM 以及 128GB ROM，電池容量有 6000mAh，放在今日嘅手機來看，呢個容量都依然叫相當大，並且仲支持 22.5W 快速充電！相機部分，nova Y70 用上咗後置三鏡頭設計，分別為 4800 萬像素廣角、500 萬像素超廣角以及 200 萬像素景深鏡頭，前置鏡頭則為 800 萬像素。
按這裡有購買傳送門
按這裡或按下圖有華為 nova Y70 詳細規格
其他千元有找 128GB 大容量、大電手機選擇
001：紅米 12C
講到同華為 nova Y70 定位比較相近嘅手機，紅米 12C 應該算係其中一部相當接近的手機，建議零售價 $1199，而大舖現時最新賣價為 $999，同樣有 4GB RAM + 128GB ROM，同樣有大芒 + 大電，不過各方面又似乎比起 nova Y70 稍為遜色少少，芒係 6.71 吋，細過 nova Y70 少少，電量 5000mAh，同樣都係細過 nova Y70，而且淨係 10W 充電，鏡頭又相較少啲，只有一個 5000 萬像素廣角鏡頭，以及一個輔助鏡頭，前置鏡頭都係得 500 萬像素。不過，佢就配備咗 MTK Helio G85 處理器，兼且有 Google，呢個係咪完美可以 KO 華為 nova Y70 嘅理由呢？
按這裡或按下圖有紅米 12C 詳細規格
002：Honor X6
Honor X6 建議零售價同樣為 $999，同樣有 4GB RAM + 128GB ROM，不過就只有 6.5 吋 LCD 芒，配備 MTK Helio G25 處理器，電池容量 5000mAh，充電功率為 10W，並且具有 5000 萬像素廣角 + 200 萬像素景深 + 200 萬像素微距三鏡頭組合，前置鏡頭則為 500 萬像素。
按這裡或按下圖有 Honor X6 詳細規格
