豐澤廣告 post 暗示華為 Pura 70 行貨會賣惹熱烈討論
點解突然間會爆出華為 Pura 70 香港會出行貨？主要原因係有人發現豐澤喺 Facebook 落咗個關於旗艦手機嘅「贊助」post，並附有一張相可以見到 Pura 70 標誌性嘅三角形狀相機，加上文字上寫着「明就明」呢類字眼，不難令人想像到，即將會推出嘅旗艦手機，會係 Pura 70，而呢個消息令唔少華為 Fans 喺討論區熱烈討論。
(圖片來源: 華為及鴻蒙香港論壇 Facebook)
版主向多個收風來源確認消息真偽 + 更多補充資訊
版主得知呢個傳聞之後，第一時間先向相熟嘅網絡商、大舖朋友收風，睇下可唔可以有進一步嘅消息。無論是網絡商還是大舖，都確認了 Pura 70 會賣，其中一個來源就表示，會在 5 月初接受預訂，5 月中尾正式開賣；而另一個來源則直接確定，Pura 70 會在 5 月 21 日正式開賣，並且三機都有，包括 70、70 Pro 以及 70 Ultra。另外，版主還收到一個關於價錢的消息，就是 Pura 70 香港賣價，會同大陸賣價差不多。但同大陸版不同的是，香港版賣嘅係 4G 版，並無支援 5G，同時唔會預載鴻蒙系統，但消息就話，佢哋買機會送好多嘢補償返，例如送平板耳機之類，但具體會送乜就尚未確定。如果無 5G，又唔係用鴻蒙，但同大陸賣價差不多，華為 Fans 又會考慮買香港版，定係大陸版呢？