加入新色 + 支持 M-Pen 3
首先，講下外型設計。Mate XTs 延續咗華為一貫嘅三摺疊概念，摺埋嘅時候係一部正常 6.4 吋嘅手機，方便單手操作；打開一半就變成 7.9 吋嘅平板模式，適合睇片或者多任務；完全展開就係 10.2 吋大屏幕，簡直係一部可以放入褲袋嘅平板！厚度方面，摺埋咗有 12.8mm，展開就薄到 3.6mm 至 4.75mm，重量控制喺 298g 左右，唔會覺得太笨重。華為自製嘅鉸鏈系統升級咗，支持內外摺疊，耐用度據傳高達幾十萬次開合。顏色選擇都好豐富，有黑、紅同埋新加入嘅紫、白，仲支援手寫筆（stylus），寫字畫圖超方便。之前傳聞話會有新顏色同支援筆，果真冇錯，呢個設計真係針對商務用家同創意人士設計嘅。
華為官方公佈用 Kirin 9020 處理器，用 HarmonyOS 5.1
硬件規格方面，Mate XTs 搭載咗華為最新嘅 Kirin 9020 處理器（傳聞中係 Kirin 9 系列嘅升級版），效能比上代 Mate XT 強勁咗唔少，跑分據說直逼 Snapdragon 8 Elite。RAM 最高 16GB，儲存空間由 256GB 起跳，頂配去到 1TB，夠晒你裝 App 同檔案。屏幕係 LTPO OLED 面板，支持 120Hz 刷新率同 1440Hz PWM 調光，顏色鮮豔、滑順度高，睇 HDR 影片或者打機都一流。電池容量 5600mAh，支援 66W 有線快充同 50W 無線充電，USB 3.2 Gen 1 接口，Wi-Fi 5、Bluetooth 5.2 同 NFC 都齊全。系統運行 HarmonyOS 5.1，華為自家 OS，優化咗多任務分割畫面，摺疊模式下用起嚟好順手。
加入紅楓原色鏡頭
相機部分都係重點！後置三鏡頭：50MP 超光變鏡頭、40MP 超廣角鏡頭、12MP 潛望式長焦鏡頭 (支持 5.5 倍光學變焦 OIS)，而最特別的是，今次更加入了紅楓原色攝像頭，色彩還原度提升了 120%。呢個相機組合喺低光環境下表現出色，顏色還原自然，適合影風景或者人像。對摺疊手機嚟講已經好夠力。
華為 Mate XTs 建議零售價 + 上市資訊
