我一向鍾意留意有無一些高性價比的手機優惠情報，而最近就留意到有一部手機好似幾抵玩，價錢 $1500 有找，唔單止有 5000mAh 大電 + 100W 快速充電，而且仲有 12GB RAM + 50MP 鏡頭，你又有無興趣呢？想知邊部，睇下文啦！
$1500 有找入手 HUAWEI 中階手機
說的是 HUAWEI nova 13，留意到 SmarTone 網店日前將呢部手機做緊「超級優惠」，賣價只需 $1499 就可以買到，而下方仲寫住：颱風快閃優惠：於 9 月 23 至 24 日期間，輸入優惠碼「T8Sep25」購買此手機，即可享有額外 95 折優惠。優惠適用於網上商店價及現有客戶價。優惠受條款及細則約束。不過版主就試過將手機放去購物車，輸入咗優惠碼，就話用唔到，我都唔知點解，不過先唔好理有無呢 95 折，呢部手機減到 $1499 呢個價位，又算唔算吊打市面差不多價位的手機呢？
HUAWEI nova 13 硬件規格
規格方面，HUAWEI nova 13 配備 6.7 吋 OLED 屏幕，支援 120Hz 高刷新率及 HDR 顯示，畫面流暢且色彩鮮艷。機身採用格紋變奏設計，僅 7.8mm 厚，重量約 190g，提供黑、綠、白三款配色，內置 12GB RAM 以及 256GB ROM。相機方面，手機具有後置 50MP 主鏡頭搭配 8MP 超廣角鏡頭，支援多焦段人像拍攝，前置鏡頭則為 60MP。電池容量為 5000mAh，支援 100W Turbo 快充。系統運行 HarmonyOS 4.2，支援 5G 雙卡，並具備 IP68 防水防塵及螢幕下指紋解鎖。