HUAWEI nova 14i 最殺食嘅賣點，毫無疑問係個 7000mAh 超大電池。以現時手機來講，電量超過6000mAh已經算係「長氣」，今次 nova 14i 直接衝上7000mAh，相信足以應付連續打機、追劇一整天嘅重度使用需求，對於成日擔心「冇電」嘅用家來說絕對係一大福音。更難得是，搭載如此巨型電池後，機身厚度仍控制喺 8.9mm，並未變成「磚頭」，平衡做得唔錯。
今次 nova 14i 加入了一個頗具創意的實體快捷鍵——X Button。呢個按鈕可以自定義功能，例如：輕觸一下快速開啟付款碼、相機或指定App；雙擊則可以直達另一個常用應用；同時更可以設定為一鍵速撥緊急聯絡人，功能非常靈活且實用，無論是生活便捷還是安全考量，都諗得幾周到。
5000萬像素主鏡 + 256GB大儲存，日常夠用有餘
相機方面，nova 14i 搭載 5000萬像素主鏡頭，配合獨立景深鏡頭，應付日常風景、人像拍攝綽綽有餘。前置則為 800萬像素鏡頭，並支援 AI 美顏算法，自拍效果自然。此外，手機直接提供 256GB 大容量儲存空間，無需擔心影相、拍片或下載大型遊戲會「爆倉」，可以放心儲存。
賣價 + 上市資訊
小結
總括而言，HUAWEI nova 14i 並非追求極致性能或拍攝的機型，其定位非常清晰：就是一部以怪獸級電量為核心，搭配流暢大屏幕和實用快捷功能的高性價比手機。特別適合預算有限、但對續航力有極高要求嘅學生、手遊愛好者，或者需要長時間外出工作的用家。如果網友最關注手機電量問題，咁呢部 nova 14i 絕對值得你放入考慮名單！大家又覺得，7000mAh電量對你嚟講係咪最吸引呢？
