全新玄武摺疊架構 + 9.5mm 超薄機身
講到摺疊機，大家最關心既一定係手感同耐用度。HUAWEI Mate X7 採用全新既「玄武摺疊架構」，令到機身結構更加堅固。最誇張係佢既厚度，摺埋之後只有 9.5mm，而展開之後更薄至 4.5mm，重量亦控制喺 236g 左右，拎上手既感覺同直板機差唔多，單手揸都唔會覺得重。屏幕方面，外屏用咗 6.49 吋 LTPO OLED，峰值亮度去到 3000 nits；打開之後就係一塊 8 吋既大芒，同樣支援 1-120Hz 自適應刷新率，無論係睇片定係做文書野都極之順暢。今代仲支援 IP58/IP59 防塵抗水，日常用落就更加安心。Kirin 9030 Pro 處理器 + 5600mAh 大電
性能方面，Mate X7 搭載咗最新既 Kirin 9030 Pro 處理器，效能表現值得期待，無論係打機定係多工處理都夠晒爽快。雖然機身咁薄，但電池容量竟然去到 5600mAh，比起好多直板旗艦仲要大，續航力相信會非常硬淨。充電方面支援 66W 有線快充同 50W 無線快充，隨時幫手機回血都無問題。第二代紅楓原色鏡頭 旗艦級攝力
除咗個機身夠硬淨，影相一向都係華為既強項。Mate X7 今次搭載咗「第二代紅楓原色影像系統」，致力還原最真實既色彩。後置三鏡頭組合非常強勁，包括 5000 萬像素超光變主鏡頭，支援 F1.4-F4.0 可變光圈；4000 萬像素超廣角鏡頭；以及一粒 5000 萬像素既潛望式長焦微距鏡頭，支援 3.5 倍光學變焦。無論係影風景、人像定係微距特寫，都能夠呈現出細緻既畫質同準確既顏色。預訂反應熱烈 優惠延至 3 月 8 日 最多可減 $2100
據了解，Mate X7 自從公佈以黎，預訂反應都非常熱烈，證明大家對呢部新摺機都好受落。為咗回應廣大客戶既期望，官方宣佈將原本既預訂優惠延長至 3 月 8 日！而根據衛訊門市的海報指出，Mate X7 限時減 $1000，送 MatePad 11.5 WiFi (6GB / 128GB)、FreeBuds 6 以及智能體脂磅，而如果唔要 MatePad 11.5 WiFi，Mate X7 機價可以再減 $700，唔要 FreeBuds 6，則減 $400。即係如果你乜都唔要，你最平可以機價減 $2100，再送智能體脂磅一部。HUAWEI Mate X7 今日正式開賣，有新玄武架構加持更加堅固，又有第二代紅楓鏡頭提升攝力，加上麒麟 9030 Pro 晶片同大電池，規格真係無得輸。預訂優惠延長，吸引力真係幾大。唔知各位網友對呢部新摺機又有無興趣呢？
