華為國際版手機回歸 5G 陣營！Pura 90s Pro / Pro Max 用到 5.5G

左定坤 (Cho Ting Kwan) 2026-07-07 14:48 | Huawei

繼續劇透 HUAWEI Pura 90 Pro / Pro Max，一部香港會推出的國際版華為旗艦手機！已有兩篇文章講咗 Pura 90 系列，國際版多咗「S」字，而馬來西亞成為首發地點，並有大量大馬 Influencer 造勢！而版主亦從多方資料得知，呢個「S」 字，其中一個含意，代表華為手機終於用到 5G 網絡，亦係香港網絡商開始推的 5.5G 技術，Speedtest 有機會衝上 1GBps！ 

專門報導華為消息網站有料爆

根據專門講華為消息嘅嘅網站 Huawei Central 爆料：「 HUAWEI Pura 90 Pro Max 已經準備好進軍海外市場，而且仲會係第一部具備 5G 功能嘅全球版華為手機。喺國際市場用咗 4G 網絡咁耐之後，呢間公司總算喺呢個月正式迎接 5G 技術。」

Tiktok 海外劇透

原來有個叫 superrmas 嘅 TikTok 用戶啱啱展示咗全球版嘅 Huawei Pura 90s Pro Max，架機仲行緊 5G 網絡。呢位 Tiktoker 仲上載咗段片，話呢部新旗艦係第一部行到超誇張 5G 速度嘅華為手機。段片特別將焦點放喺狀態欄上面嗰個細細個嘅 5G logo。 superrmas 甚至喺片入面即場做埋網絡速測，結果部 Pura 90s Pro Max 衝破咗 1100Mbps。呢部 Huawei 全球版新機嘅速測結果，意味住佢可以帶嚟極致嘅下載速度，對於每日需要大量安檔或者 App 嘅人嚟講就真係爽皮。不過，原片已係佢嘅 Tiktok 戶口被刪除，但已有其他人在 X 上面做咗 Backup。

版主收料

一個叫 TKDN 嘅印尼網站，亦已經將型號 SCA-LX9 嘅 Pura 90s Pro Max 全球版認證為 5G 華為智能手機。 今次絕對係 HUAWEI 喺 5G 全球智能手機市場嘅「真正回歸」。自從 2019 年俾美國制裁之後，呢間公司就被禁止推出 5G 智能手機。 不過，自從 Mate 60 Pro 用上 Kirin 5G 處理器之後，就成功打破咗呢個瓶頸。而版主由不同渠道得知，呢兩款機會係 7 月底打通香港 5G 網絡，仲會支援網絡商提供的 5.5G 或 5G Advanced 技術，係收訊好的地方，要衝到好似嗰位 Tiktoker 1100Mbps 上網速度，一啲都唔出奇。