先簡介一下呢部 4.7 吋屏幕入門機的規格，呢部 E4g 除左支援 4G 之外，屏幕解析度只有 540 x 960 ，HD等級都未有，處理器方面就係 MT6732 1.5GHz 四核心，搭配 1GB RAM 同 8GB ROM 。相機方面就係 500 萬像素主鏡頭就 200 萬像素前鏡搭配。另外 E4g 有 2300mAh 電池，官方表示可使用 2 日，但就無防水功能。
雖然規格上 E4g 搖格並唔出色，但係手感就相當唔錯。相信因為外形上用左圓滾滾的對稱線條，同 Nokia 之前的 Lumia 620 相似；而且 4.7 吋屏幕亦唔大，令手機的體型比較細，所以係手感上算係幾好揸手，幾服貼的。最後， Sony E4g 係香港開賣時間目前仍未定，而售價方面就係145 美元（折合 HK$1,125）。唔講咁多，大家睇圖啦！
▲ 機背採用磨砂材質，一樣圓胖胖。
▲ 右側安排音量鍵和 Sony Xperia 招牌的電源按鍵。
▲ 500 萬畫素主相機附 LED。根據前一代 E3 的經驗， E4g 來到香港有 NFC 的機會係大的。
▲ 機頂有 3.5mm 耳機孔。
▲ 喇叭設置在機身背面底部。
▲ 4.7 吋 TFT 螢幕，解像度 540 x 960 雖然低，但現場睇，係亮度最高的設定下，效果比預期好少少。
▲ 預設多種拍攝模式，注意在入門機種如 E4g 身上，是用自動場景辨識，沒有金色的智慧場景。
▲ 用戶可自行下載更多照相應用，擴充相機功能。
▲ 用上 4x5 程式集圖示排列，圖標尺寸不細，很容易辨識。
▲ E4g 內建 8GB ROM，剩餘空間最高 4.8G，確實可能唔夠用家使用。
▲ 雖然 M4 Aqua 同 Z4 Tablet 都預載 5.0 ，但 E4g 就只係搭載 Android 4.4。
一分錢一分貨，睇完速試相信大家都會明白呢個道理。以目前來講，性價比最高的千元價位手機未必係佢，但 E4g 又係 Sony 出品質量有一定保證，唔知大家又會否考慮入手一部作為後備機呢？不妨留言講下啦。
