Sony Xperia M4 Auqa 四月上市!兩千蚊買 4G LTE 防水機有咩選擇?
上次版主 Eddie 係 MWC 會場玩過 Sony Xperia M4 Auqa ,我覺得佢機身設計真係相當靚仔,採用了 Omni Balance 設計的令佢有少少似縮水既 Sony Xperia Z3,而佢亦有 IP6/8 等級既防塵防水滴。規格方面佢採用 5 吋 720 x 1280 解像度屏幕、Qualcomm S615 八核心處理器 、2GB RAM ,內置 16GB 容量加上可以外置插卡、 1300 萬像素主鏡頭與 500 萬像素前鏡頭、電池量有 2400mAh ,版主知道香港會推出雙卡版的 Xperia M4 Aqua Dual ,而定價亦會係 $2,500 上下,呢個價錢有八核、防水,都算係唔錯既選擇。如果想搵其他既平價防水機,又有咩選擇呢?上一代既 Sony Xperia M2 Aqua ,場內已經難以搵到,之前搵到 $1,499 既平貨係唔錯既,而現在大鋪開價 $1,999 ,只用了 4.8 吋 qHD 解像度 IPS 屏幕,Qualcomm S400 1.2GHz 四核心處理器、1GB RAM ,規格方面比起 M4 Aqua 差一級,亦只有 8GB ROM (可外置插卡),800 萬人像素主鏡頭和 110 萬像素前鏡頭也是前一代的水準,電池量 2330mAh,同樣是 IP6/8 防水,版主就覺得等待 Xperia M4 Aqua 比較有價值啦。
版主入到先達睇,發現場內仲有自稱「全新行貨」的 Sony Xperia Z1 Compact 賣,開價 $2,380 比起 Sony Xperia M2 Aqua 貴少少,不過賣點就係 2,000 萬像素鏡頭,同埋採用 Qualcomm S800 四核心 2.2GHz 處理器配 2GB RAM ,不過佢係屏幕比較細既一部機,只有 4.3 吋的 720p 屏幕,電池量 2300mAh 也是比較少的一部,防水等級是 IP5/8,這部機款式比較舊,場內見到的「全新行貨」係咪有保養都令人成疑,買唔買就自己決定啦。版主將三部機既規格係下面列表比大家睇,網友可以 Click 入去參考下:
▲現時 Sony Xperia Z1 Compact 仲有「全新行貨」?版主就覺得機會好低啦,先達既貨信不信由你。
▲大家可以比拼三部機的規格