主題:Sony 香港公佈下半年新機!未見Z4 ,防水 Aqua + Tablet 先登場

ePrice HK
  • 發表時間:2015-05-13 12:40 收錄檢舉
    當 LG 的旗艦 G4 在港發佈之後,基本上各大廠牌的重點新機都已經出齊,除左 Sony 仍然按兵不動。不過,剛剛 Sony 就宣佈將於在 5 月 19 日舉行發佈會!將會發佈的手機除左有著高性價比兼支援防水的 Xperia M4 Aqua Dual 之外,仲有近排近排版主 Eddie 同大家分享過的 FHD 屏幕+八核心處理器 Xperia C4 Dual 同埋旗艦級平板 Xperia Z4 Tablet !不過,旗艦級的 Xperia Z4 呢,暫時就未見影,唔知幾時先會在港推出呢?

    兩代對決睇進步! Sony Xperia Z4 實機、規格對比 Xperia Z3
    係日本突然發佈的 Xperia Z4 係今次的發佈會上不會登場。
     

    旗艦 Xperia Z4 未到, Z4 Tablet 先登陸

    Sony 剛剛就宣佈將會在 5 月 19 號舉行發佈會,而會上的主角唔止一個,係有 3 個!首先要提的當然係一出已經吸引到唔少朋友的 Xperia Z4 Tablet 啦!呢部平板連版主都認為係 2015 年到目前為止最有睇頭的一部,除左有 2k 解像度屏幕之外,仲用上左 Qualcomm S810 處理器,而且相機方面都有 810 萬像素主鏡同埋 510 通像素前鏡。再加支援防水同埋配置左強大的立體聲前喇叭。想更深入了解 Z4 Tablet 的朋友可以睇返呢篇 Sony Xperia Z4 Tablet 大解構

    Sony Xperia Z4 Tablet 大解構!7 大特色功能你要知

    Xperia M4 Aqua Dual 亦係另一部不少網友都好想知幾時會出的手機,除左有 5 吋 HD 解像度屏幕之外,處理器都用上左 Qualcomm S615 八核心配 2GB RAM 同埋內置容量 16GB 。鏡頭方面就係 1300 萬像素主鏡頭同埋 500 萬像素前鏡頭,以及 2400mAH 的電量。呢部機的賣點除左係雙卡同埋支援 IP6/8 等級既防塵防水之外,更重要係定價吸引,大約係 $2500 左右,大家不妨重溫下版主 Eddie 的一手試真機啊

    表情 #4

    最後要提的就係剛剛係台灣發佈的 Xperia C4 Dual 了,呢部機可以話係 Zenfone 2 的主要對手之一,除左因為 C4 Dual 對比上一代已經全面升級至 5.5 吋配備 Mobile BRAVIA Engine 2 技術的 FHD 屏幕之外,效能方面採用了支援 64bit 的 MTK 6752 1.7GHz 八核配 2GB RAM 同埋 16GB 內置容量。鏡頭部份亦係 C4 Dual 的重點,除左主鏡頭升級至 1300 萬像素之外,前鏡頭更加用左 500 萬像素 25mm 廣角的 Exmor R 前鏡頭。以性價比來講 C4 Dual 都係一個不錯的選擇啊。

    以 C4 Dual 呢個規格來講,目前市面上的對手主要係同樣係 5.5 吋大芒的 Samsung Galaxy A7 同埋 HTC Desire 826 ,而 Asus 的 Zenfone 2 作為不少朋友的性價比首選當然唔能夠唔提啦!唔知今次 Sony 即將推出的新產品之中邊款最吸引到你呢?一齊留言分享下啦!icon
     
    Sony 公佈下半年新機!未見Z4 , Aqua Z4 + Tablet 登場

    Sony Xperia M4 Aqua Dual 定價將會在 5 月 19 日發佈按此看詳細規格和最新賣價。
    Sony Xperia C4 Dual 定價將會在 5 月 19 日發佈,按此看詳細規格和最新賣價。
    Sony Xperia Z4 Tablet 定價將會在 5 月 19 日發佈,按此看詳細規格和最新賣價。

    立即加入Facebook 專頁,新聞/消息/優惠,最快知。

    01樓 ▲TOP 回列表頁