主題:等唔等 Z3+ ? Xperia Z3 大鋪小減價! Z4 Tablet 開賣有期

ePrice HK
  • 發表時間:2015-05-29 20:14 收錄檢舉
    昨日(28/5) Sony 就推出左升級版的旗艦 Xperia Z3+ ,雖然有不少朋友覺得定價吸引有意入手,但始終 Xperia Z3+ 只係在硬件上稍作提升,對於講求性價比的朋友來講可能佢地會對上一代的 Xperia Z3 更有興趣。剛剛版主行經大鋪時就發現原來單卡版的 Xperia Z3 開始減價啦!同時間版主也收到風 Z4 Tablet 好快就會開賣啦!有興趣的朋友一齊睇睇下文啦。

    等唔等 Z3+ ? Xperia Z3 大鋪小減價! Z4 Tablet 開賣有期
     

    Z3 大鋪小減價!「場內行貨」平七百左右

    在 4 月頭的時候版主 Eddie 就同大家提過 Xperia Z3 的大鋪賣價就跌落 $4498 ,而呢個價錢也維持左一段時間。不過近日版主就發現已有大型連鎖店,已將 Xperia Z3 的價錢調低,單卡版只係需要 $4298 可惜在 5 月頭推出的 Xperia Z3 Dual TD 的價錢就無減到。在規格上, Xperia Z3 同 Xperia Z3+ 如果以規格字面上來看分別確實不大, Xperia Z3 都有 FHD 解像度屏幕,處理器 Qualcomm S801 (Z3+ 為 S810) ,相機主鏡頭也是同 Xperia Z3+ 一樣。難怪有意入手返 Z3 的朋友都不少。(當然,在細節上其實 Xperia Z3+ 還是有不少改進的

    如果嫌大鋪減得不夠多的話,對比返 4 月頭的時候場內 Xperia Z3 的價錢都有減到。目前旺角「場內行貨」版主問到最平大約係 $3580 左右。而水貨方面呢,日水的 Xperia Z3 版主都有同大家分享過,跟行貨 Xperia Z3 最大的分別就係內置容量方面有 32GB ,而價錢就係 $2680 。至於場內水貨來講,就大約可以平到 $3080 左右都有。

    等唔等 Z3+ ? Xperia Z3 大鋪小減價! Z4 Tablet 開賣有期

    ▲ 場內 Xperia Z3 的價錢比較浮動,版主問到不少行貨都要三千七。

     

    Xperia Z4 Tablet 最快聽日有!但價錢又是否吸引?

    另一個有關 Sony 產品的消息就同佢地的旗艦平板 Z4 Tablet 有關的,在上星期 Sony 發佈 Z4 Tablet 的時候雖然就公佈左定價,但開賣日期只係話 6 月頭,正式開賣的日子就未有提到。但對有意入手 Z4 Tablet 的朋友來講,相信都知道有大鋪已經推出左 Z4 Tablet 的預訂服務。而版主更問到原來最快聽日(29/5)就會到貨,不用預訂都可以買到。而價錢方面 Z4 Tablet 就需要 $5398 ,如果連埋鍵盤就係 $6398 。唔知大家又會趁大鋪減價入手 Xperia Z3 還是一出即買 Z4 Tablet 呢?

    網友問,版主答! S810 +防水 Sony Z4 Tablet 版主體驗分享

    ▲ 雖然定價係幾貴,但以 Android 平板來講,不論係規格還是用途之廣,都不是一般平板可以相比的。


    在文章發佈的時侯, Sony Xperia Z3 賣價 $4298 ,按此看詳細規格和最新賣價。
    在文章發佈的時候, Sony Xperia Z4 Tablet 定價 $5398 ,按此查看詳細規格及最新賣價。

    立即加入Facebook 專頁,新聞/消息/優惠,最快知。

    01樓 ▲TOP 回列表頁