大鋪即減 $700 ,華為 Mate 7 金色加強版而家賣價抵唔抵?
雖然華為 Mate 7 金色加強版都已經出大差不多不半年,聲勢都由初推出時一機難求到而家變成無乜人提,但係呢部機係大鋪的價錢一向都好少變動,推出時的定價 $4680 一直企硬。不過近排 Mate 7 金色加強版係衛訊的價錢終於都有變動啦!由 $4680 即減為 $3980 ,同時間因為 Mate 7 未有減價的關係,兩部機( Mate 7 同 Mate 7 金色加強版)相差不過是兩百蚊。雖然減左唔少,但係 Mate 7 金色加強版始終都唔算好新,大家又覺得抵唔抵呢?▲ 如果係早幾個月減價的話,個人相信吸引力會大不少。
可能係最平的大鋪 6 吋芒, Samsung Mega 2 兩千有找
其實呢個都唔算係新料,但自從 C5 Ultra 出現後可能因為同樣係大芒機而且價錢都算平又係大價子的關係,近來 Mega 2 又有不少網友開始提到。係 7 月頭的時候百老匯就已經為 Mega 2 推出信用卡優惠,可以用 $1888 買到 Samsung Galaxy Mega 2 。比較可惜嘅係,同期推出使用信用卡買機即減的 Moto X 2nd 而家都不再雖要用信用卡都有得平了,但 Mega 2 近日版主查問時仍然係要的。 Mega 2 係規格上只得 8GB 內存同埋用 Qualcomm S410 ,係就係好大機會唔夠用,但係支援中港 3G/4G 都係一個優勢來嘅。▲ Galaxy Mega 2 雖然未有真的減價,但指定優惠的信用卡都算係多人用嘅。
C5 Ultra 一出就有得平?細鋪行貨即減四百
最後就要今次的主角 C5 Ultra 啦!有關呢部機的評測版主們之前都做左不少,可以見到 C5 Ultra 以 6 吋巨芒機來講係操控性上是相當不錯的,而係巨芒加持同埋定價未算好貴的情況下 C5 Ultra 仲力壓 Note 5 成為 ePrice 點擊排行榜第一位。雖然 $3298 定價未算過高,但若果有得用平少少的價錢入手應該大家都想要吧!係深水埗細鋪 C5 Ultra 而家就只需要 $2880 ,平定官方定價平四百多而且係三千有找!唔知係大家心目中又有無其他具吸引力的大芒手機呢?一齊留言講講啦!▲ 係 C5 Ultra 本身定價合理的情況下,細鋪價自然顯得更吸引啦!
在文章發佈時,華為 Mate 7 金色加強版賣價為 $3980 ,按此看詳細規格和最新賣價。
在文章發佈時,Samsung Galaxy Mega 2 賣價為 $2698 ,按此看詳細規格及最新賣價。
在文章發佈時, Sony Xperia C5 Ultra 賣價為 $3298 ,按此看詳細規格和最新賣價。