Sony Xperia 1 重點評測!比拼美韓最強對手 4K HDR 芒 + α 相機技術點屈機

管理員 2019-06-05 19:02 | Sony
呢期最重點嘅旗艦機,相信非 Sony Xperia 1 莫屬,因為香港網友好愛日系設計,而試玩過後,發現呢部 Xperia 1 唔係得個樣,其他方面都好屈機𠻹!特別係佢個 4K HDR 芒,同埋佢融合咗 α 系列相機技術的拍攝能力,比起其他手機廠,包括來自美國及韓國的對手都優勝!即刻睇下佢有幾屈機!

fb.jpg

Sony 紫色最靚

喺講 Sony Xperia 1 有乜咁屈機之前,先睇睇呢隻 Sony 紫色,係呀!係多 Sony Fans 都愛嘅經典紫色!就算你唔算 Sony Fans,比較市面上千篇一律嘅手機都有新鮮感,帶佢出街,特別有型。先用不同角度,欣賞一下。
 

001: 4K HDR OLED 屏幕

Sony Xperia 1 其中一大賣點,用上全球首創 4K HDR OLED 芒!用 OLED 芒可以令到黑色更黑,提高畫面嘅對比度。OLED 類型嘅屏幕,韓國廠有用,美國廠有用,咁 Sony Xperia 1 呢隻 4K HDR 芒又有什麼分別?

Sony Xperia 1 所用嘅 OLED 芒,有以下兩大特點:
→ 每個像素都能自行發光,配合 Sony 針對 OLED 芒嘅色彩調整對應技術,在觀看明亮畫面時,可以呈現更細緻的細節,就算在強烈陽光下,畫面都能清楚顯示,可視角度大大提高。
  ▲ 拿來了同為支援 HDR OLED 芒嘅 iPhone XS Max,來跟 Sony Xperia 1 作個比拼,得出結果是 Sony 完勝!

sonyMon01.JPG
▲ 在日光下,Sony Xperia 1 的亮度都好足夠閱讀及睇相。

→ Sony Xperia 1 用上 21:9 芒,呢個比例簡直係欣賞電影的「黃金比例」,配合佢所用上的 BRAVIA 電視技術 - X1 for mobile 圖像處理引擎及由 Sony 專業的 Master Monitor 色彩重現技術所啟發的全新原創模式 (Creator mode),結合 HDR 重製技術,令 Xperia 1 能夠還原電影銀幕中原有嘅色彩,同時影像會更有層次、更清晰,色彩更亮麗。

c02.JPG
▲ 我哋簡單開啟了 X1 for mobile 圖像處理引擎,再用 Sony 最新電影 Spider Man 4 嘅 Trailer,都見到 4K 屏幕再加上 Sony 技術,畫面細緻度十分高。

002:加入 Sony α 系列相機技術,眼睛追焦連拍更準

Xperia 1 是 Sony 首部配備三鏡頭手機,與之前型號不同,26mm 主鏡鏡配有光學防手震,雖然只拍出 1200 萬像素相片,但因為感光元件尺吋夠大,拍出來嘅相片,跟同期韓國旗艦手機,質素較佳,相片偏向還原真實場景,十分討好。另外,16mm 廣角及 52mm 長焦鏡頭,令拍攝時,更有靈活。

c01.JPG c02.jpg
▲ 左或上是有 Xperia 1 拍出來,右或下是某韓國旗艦拍出來。在台北的街角晚上試拍,Xperia 1 的細緻度較好,顏色與實際環境最似。

m01.JPG m02.jpg
▲ 左或上是有 Xperia 1 拍出來,右或下是某韓國旗艦拍出來。拍攝食物一直是 Sony 手機強項。比較之下,Xperia 1 拍出來魯肉飯套餐,對比度高,層次亦較豐富,見到就想食。

wideangle.jpg
▲ 用 Sony Xperia 1 的 16mm 廣角鏡頭拍攝的風景相,就算是夜晚,都無問題。

Xperia 1 有一樣其他手機相機做唔到嘅功能:眼睛追焦。手機會利用每秒 10格  (10 fps) 的AF/AE  追蹤及眼睛追焦連拍 ( 自動對焦和自動曝光 ) 功能進行連拍。我哋比較過,用來影走到的 ePrice 女同事,中焦機會好高,在連拍中揀出來的相,大部份都中焦,影 Cat Walk 都得。

take.jpg
▲ 在 Xperia 1 拍攝人物時,人物的眼睛會有一個綠框,代表手機已成功以眼睛追焦。就算圖中的 ePrice 女職員在走動,一樣追到焦。

con01.png
▲ Xperia 1 有實體拍攝鍵,成功以眼睛追焦後,按壓拍照鍵,即進行連拍,最多可拍 100 張。

01.JPG 01-01.jpg
02.JPG 02-01.jpg
03.JPG 03-01.jpg
04.JPG 04-01.jpg
▲ 在連拍照中,我們找出四張連拍,看看清晰程度,發現四張都準確對焦,ePrice 女職員的面孔都好清楚呢!(左或上是原圖,右或下是裁切後的效果)


con02.png
▲ 某韓國旗艦都有連拍功能。

b01.jpg b01-1.jpg
b02.jpg b02-01.jpg
b03.jpg b02-01.jpg
b03.jpg b04-01.jpg
▲ 在連拍照中,我們找出四張連拍看看清晰程度,發現某韓國旗艦在連拍走動中的 ePrice 女職員,對焦不是張張成功,部份面孔放大看很不清楚!(左或上是原圖,右或下是裁切後的效果)

003:Sony Xperia 1 效能比拼對手,打機夠爽

關於 Sony Xperia 1 的效能部份,可以用兩方面去做測試:
a) 最簡單就係用跑分軟件測試一下,揀來最多人用嘅安兔兔跑分
b) 親自感受下打機表現,睇下有幾順暢。

a) 安兔兔跑分測試 CPU、GPU 效能
首先來個安兔兔跑分,Sony Xperia 1 配備了 Qualcomm S855 旗艦級處理器,內置 6GB RAM 以及 128GB ROM,得出總分為 365754 分,怎樣理解這個分數,比較一下就知。比起上代 Sony Xperia XZ2  Premium 採用 S845 處理器,分數多了十萬;而比較某韓國手機,同樣採用 S855 處理器,Xperia 1 在總分及每一個細項都好過對手,當中包括顯示打機效能嘅 GPU 部份,比起上一代 Sony 旗艦或者同代其他對手都要好,在客觀效能跑分上,Xperia 1 的確有好好嘅效能。

01.jpg

螢幕截圖 2019-05-28 下午6.05.31.png
b) 實測打機感覺
我哋再用呢排勁 Hit 嘅「絕地求生 PUBG  Mobile」 來試試用 Xperia 1 打機係咪咁順。係玩緊途中,已拍埋 Video。大家集中留意一下到底玩遊戲果陣,係咪流暢。得出結果是,一啲窒機嘅感覺都無,好 smooth 好順暢,如果平時打開機嘅話,應該都會覺得好爽!

d01.png
▲ 特別要注意嘅係,Sony Xperia 1 內置遊戲增強器,支援遊玩時實況錄影,同時亦可以停止顯示不希望收取嘅通知。


​▲ 即睇我用 Xperia 1 打「食雞」嗰陣時嘅情況

PUBG Compare.jpg
​▲ 另外,多得 Sony Xperia 1 具有 21:9 屏幕,玩起食雞時比起某 16:9 的電競手機,視覺更廣,更容易看到左右兩邊的敵人。

004:用一日,無問題!Sony Xperia 1 夠慳電

Sony Xperia 1 雖然只有 3330mAh 電池,但因為 Xperia 1 用了 S855 處理器,呢粒處理器用上 7nm 制程,比起 S845 做到更加慳電。我用了 ePrice.HK 版主常用嘅 Geekbench Battery test 作電量跑分,Xperia 1 分數,比起上一代 XZ2 Premium 要高幾百分,代表使用 Xperia 1 在相同使用習慣下,續航力會比 XZ2 Premium 都要好。若果 XZ2 Premium 用上一整天都沒問題,更加難唔到 Xperia 1。 

x1battery.jpg螢幕截圖 2019-05-28 下午6.22.23.png



我哋同時揾了一段 4K 的短片,係充滿電嘅 Xperia 1 連續播放半小時,手機只花了 7%,計算起上來,你可以用 Xperia 1 連續播放 428 分鐘,即約 7 小時。呢個結果,大家應該滿意吧。


▲ 以 WiFi 連接,在 YouTube 串流 4K 示範影片。

y01.jpg
▲ 播放半小時後,具備 3330mAh 電的 Sony Xperia 1 電量為 93%,照計算,可以播放 7 小時 。記住是 4K 影片,好誇張架。

005: Dolby Atmos 加強影音效果

講完上述嘅重點測試,咁其實 Sony Xperia 1 作為一部娛樂手機,除咗 21:9 芒可以令到睇戲體驗更佳之外,同時佢支持 Dolby Atmos 音效技術,針對影院設計,透過全方位音效營造更逼真動人的效果,令聲音環繞你的上方同埋四周,畀人一種親歷其境嘅感覺。

即刻睇片感受下啦:


▲ 以上播放嘅係 Spider Man 4 嘅 Trailer,你可以感受到佢個 Dolby Atmos 有幾立體,有幾逼真。

小結:好屈機

Sony Xperia 1 在屏幕與相機都有 Sony 自家科技加持,如 CinemaWide 顯示與眼睛追焦都是其他手機做不到,而效果亦十分好。效能上,與其他 S855 處理器手機都是上乘之作。屈機呢個字,十分適合形容它。

資料由 Sony 提供

相關產品 (1)

相關報導 (5)

DxOMark 公布 Sony Xperia 1 拍照評測分數

DxOMark 公布 Sony Xperia 1 拍照評測分數

經過二度預熱,成功引起大家關注的DxOMark評測:SonyXperia1篇的結果出爐,不過索粉看了不會開心,因為最終成績僅有91分,與目前旗艦新機在110分以上的差距有點大,只貼近榜中的中階舊款手機,可說是差強人意的一個分數。

smartgeek | 2019-08-29
Sony Xperia 1 評測!比拼美韓最強對手  + α 相機技術

Sony Xperia 1 評測!比拼美韓最強對手 + α 相機技術

呢期最重點嘅旗艦機,相信非SonyXperia1莫屬,因為香港網友好愛日系設計,而試玩過後,發現呢部Xperia1唔係得個樣,其他方面都好屈機?!特別係佢個4KHDR芒,同埋佢融合咗α系列相機技術的拍攝能力,比起其他手機廠,包括來自美國及韓國的對手都優勝!即刻睇下佢有幾屈機!

管理員 | 2019-06-05
Sony Xperia 1 香港速評測:連拍七十張相!眼晴對焦準唔準

Sony Xperia 1 香港速評測:連拍七十張相!眼晴對焦準唔準

SonyXperia1今次帶來不一樣嘅相機體驗。係感光元件上,佢哋終放棄係主鏡頭,用上超高像素接近或超越二千萬嘅感光元件,用番一直好評,有DaulPixel對焦嘅千二萬感光元件,並加入OIS光學防手震,不再麻目相信自己個套Bionz系統,係相片減噪部份,會優勝過OIS。再加廣角及有2倍放大嘅長遠距鏡頭,合晒潮流。但重點應該係佢地引入左Sonyα(Alpha)相機其中一項技術,眼睛追焦,令到影郁動嘅人物時,可以做到「幾乎張張相,都中焦」,係咪咁勁?今日版主玩過。

Keith Yim | 2019-04-30
Sony Xperia 1 Amazon 意外上架,爆出呢個嚇人價

Sony Xperia 1 Amazon 意外上架,爆出呢個嚇人價

精確的上市日期、定價都還未公布的SonyXperia1,可說是一舉一動都非常讓人注目。目前就有人發現在美國Amazon網頁上,意外出現了Xperia1的預購資訊,價錢好嚇人!

inno | 2019-03-17
Sony 三星大結盟! Xperia 1 感頭感光元件日韓大結合

Sony 三星大結盟! Xperia 1 感頭感光元件日韓大結合

Sony今年上半年最受期待的旗艦【Xperia1】,預計將在第二季左右跟大家見面。雖然說這款手機已經正式發表,但官方還未全面開放讓媒體進行詳細測試,同時還有一些手機相關資訊並未公布,因此讓Xperia1目前都還保持著一股神秘感。

smartgeek | 2019-03-14

最新新聞