磨砂半透明機身：手感輕巧就手
外觀方面，今代 Xperia 10 VIII 主要外型跟上代大致相同，主要時配色更換咗，有冰晶白、磨砂灰、迷霧紫三色，今次用上自然光影靈感嘅半透明疊層配色，加上磨砂手感，唔易黐指紋之餘又輕身，單手操作毫無負擔。
太陽底下唔使盲摸摸：螢幕激光 50% 配 120Hz
平時大熱天時出街，電話個芒唔夠光真係睇到眼都矇！今次 Xperia 10 VIII 官方標明螢幕亮度直接比上代谷高 50%，仲下放咗旗艦機嘅自動色彩調節功能，喺猛烈日光底下睇地圖、煲劇都清清楚楚。更正嘅係今次終於有 120Hz 刷新率，劃畫面順滑好多，配合埋全新升級嘅立體聲喇叭，音質跟音量，都比上代子及大聲，放工睇片夠晒爽。
實體快門鍵回歸：即㩒即影唔怕慢半拍
影相方面，Sony 今次補留咗實體快門鍵，就算黑屏都可以一鍵即刻開相機，街頭抓拍唔驚手忙腳亂錯過精彩瞬間。相機鏡頭，同上一代一樣，主鏡頭用上五千萬像素大尺寸 1／1.57 Exmor RS for Mobile 感光元件，今代加入咗算法改善，令暗位雜訊控制更好。而其他鏡頭如 Ultra Wide Angle 保持千三萬像素，前置鏡頭保留八百萬像素，都跟上一代 Mark VII 係一樣嘅。
玩足 2 日超長續航：4 次系統升級
買得日系中階機，好多人都想一部用幾年。Sony Xperia 10 VIII 跟上一代一樣，有 5000mAH 電池，提供長達 2 日嘅續航力，配合充電改善技術，舊電健康度可以襟用長達 4 年。更吸引嘅係 Sony 承諾畀足 4 次 Android 系統大升級，出機用緊 Android 16，即係可以用到 Android 20。四年後，都有額外 2 年安全更新，即係夾埋六年，部機唔壞，你用足六年都日久如新。
升級 eSIM
今代 Sony Xperia 10 VIII 升級支援 eSIM 功能，但佢跟 iPhone 一樣，係一個實體 SIM 插𢲵，要雙卡雙待，就要另一部份係 eSIM 了。雖然無咗 SIM 2 位置，但一樣有 microSD 插位，最高支援 2TB 記憶卡。
支援 Gemini AI，開關掣有新玩法
Sony Xperia 10 VIII 支援幾個 AI 玩法，主要係係 Google 的用法，例如長按 Power 掣進入 Google Gemini、長按 Home 可用 Circle to Search。係 Google Photos 仲可以玩 Ask Photo 等 AI 分析你張相。剛才說長按 Power 掣進入 Gemini，其實按兩下，會進入 Xperia VIII 的捷徑介面，Reward & Pay 目錄，官方說用緊把所有跟流動支付的 App 可以放入去，成為一按即揀 Payment App 的地方，但其實你可以改為一按成為 Social Media App 專鍵，或者一按成為 AI App 專鍵，任你 Add。
總括嚟講，Xperia 10 VIII 冇盲目堆砌花巧功能，而係將「睇得清、影得快、舊電襟、用得耐」呢幾樣日常問題一次過搞掂，對於追求穩陣同長用嘅香港用家嚟講，確實係一部誠意之作。不過，主要規格沒有升級，大致維持上年 Xperia VII 售價，但賣價卻加咗，似乎手機加價，已去到不可逆轉的地步，不過，新機到場，一樣有優惠，大家睇下面張圖就知。
▲ 更加詳細評測，請立即睇片。