最近愈來愈多手機支援 NFC 功能，NFC除左可以傳送數據，仲可以做好多意想不到嘅事。Smart tag就係其中一種，利用Smart tag 用家就可以好方便快捷地設定手機不同功能。
Smart tag 教學
其實 Smart tag 只係一個普通裝飾品，不過中間有一塊 NFC 晶片。只要手機感應到，就會切換到之前用家預備的設定。就好像你遇到不同的朋友，會有不同話題一樣。今次我用 SONY 新出嘅 Sola 做示範。
▲ Sola 隨機送2個 Smart tag，一紅一黑。手機亦預設好2個 Smart tag 所要嘅設定。只要手機同 Smart tag接觸就用得。
唔係每個人都用同一樣設定，所以要自己修改。改一次改，之後就只要拍一拍個 Smart tag就OK 。
可以設定好多野，例如音量，開關 wi-fi，開 app，上網，播歌等等。
設定好之後就可以改名。
實戰
只係教大家點設定，都只係紙上談兵。所謂有圖有真相，睇下 Smart tag 可以點融入日常生活。
以地方分類，可以分為屋企，學校/office，車上
▲番到屋企，當然係開wi-fi，唔用data，將音量調至中間，仲可以連上新聞網睇新聞
▲學生番到學校，一定要轉靜音。上堂途中電話響，九成九會俾人罵。
▲白領一族可以選擇開e-mail，財經app
▲有車之人，可以開底座模式，藍牙，甚至GPS或者地圖。
以時段分類，可以分為早，晚
▲一早起身，當然要開番鈴聲，連wi-fi，開埋新聞同天氣app 。
▲臨訓之前，當然要轉靜音，關閉wi-fi，set鬧鐘
你當然可以設定自己獨特嘅 Smart tag 設定。
小提示
有一點要注意，如果手機轉成飛行模式，Smart tag 會用不了。因為飛行模式會連 NFC 一齊關閉。待機模式亦一樣，所以用家要開番部機先可以用Smart tag。
同埋要留意，要準確令手機同Smart tag 兩邊的 NFC 晶片接觸到先會有反應。所以要記得部機邊個位係 NFC 天線，好似張圖咁。
▲要對準先會有反應。
後記
雖然 Smart tag 而家就只做到手機上不同設定，但已經為生活上帶來方便。因為用家唔洗再每日長時間重複做同一件事。慳到唔小時間。其實 NFC 仲可以做到好多野，Smart tag 只係其中一樣。只要有創意，nothing is impossible !