主題:挑機小米? Lenovo 舊換新,一部米值五舊

ePrice HK
  • 發表時間:2015-01-17 14:32 收錄檢舉
    雖然話 Lenovo 係 PC 市場上地位相當重,但係香港 Lenovo 手機就真係算唔上多人用啦。最近唔知 Lenovo 係咪想提高佢地手機的曝光率,宣佈為 Lenovo A536 同埋 Lenovo A606 推出舊換新買機優惠。而更重要係,今次的舊換新優惠唔係要大家拎舊 Lenovo 手機去加錢換新機,而係要用小米手機去換,仲唔係擺明向小米挑機?

    挑機小米? Lenovo 舊換新,一部米值五舊

    今次 Lenovo 舊換新優惠內容就係大家可以拎任何型號的小米手機加錢去換購 Lenovo 手機,至於係邊部呢?其實就有兩部比大家揀,同樣係平價手機,一部就係 3G 雙卡的 Lenovo A536 ,而另一部就係支援 4G 的 Lenovo A606 。係規格上兩部機都只係入門規格, A536 除左支援 3G 雙卡之外,仲有 5吋 480 x 854 屏幕,內置 1.3GHz 四核心處理器、1GB RAM 同埋 8GB ROM(支援 microSD 卡最高 32GB)。相機方面就係 500 萬像素主鏡頭同埋 200萬 像素前置鏡頭的搭配,用上 2000mAh 可換式電池。而 A606 除左支援 4G ,其他硬件規格同 A536 都好相似,一樣係 5吋 480 x 854 屏幕,內置 1.3GHz 四核心處理器、1GB RAM 同埋 8GB ROM(支援 microSD 卡最高 32GB)。而相機就比 A536 好,有 800 萬像素主鏡頭及 200 萬像素前置鏡頭,電池一樣係 2000mAh 可換式。

    至於今次個優惠又可以俾大家平幾多入手 Lenovo 手機呢?其實唔算平好多, Lenovo A536 可以用小米手機加 $898 換購(A536 定價係 $999),而 A606 就可以用小米手機 $1099 換購(A606 定價係 $1598)。而呢個送舊迎新優惠已經開始左,完結日期未定,而可以使用優惠的地點就只限 Lenovo 指定零售店。(見下圖)

    挑機小米? Lenovo 舊換新,一部米值五舊

    坦白講,版主就覺得今次個優惠吸引力實在唔大囉, A606 尚算好少少,比本身定價平差唔多 $500 ,但 A536 本身定價都只係 $999 ,個優惠要人用小米手機換之餘仲只係減一舊水,真係有點搵笨icon。唔知大家又點睇呢?不妨留言分享下啦。

    在文章發佈時,Lenovo A536 定價 HK$999 ,按此看詳細規格及最新賣價。
    在文章發佈時,Lenovo A606 定價 HK$1598 ,按此看詳細規格及最新賣價。

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    熱門討論▼
  • 發表時間:2015-01-19 09:34 檢舉
    囉部SPEC仲低啲既機黎換紅米, 有病冇呀?
    02樓 ▲TOP 回列表頁