主題:五千電量大測試 Lenovo P1 用足三日 不用充電

ePrice HK
※ 此文已被鎖定,無法回覆與編輯 ※
  • 發表時間:2015-11-24 18:54 收錄檢舉
    網友每天機不離手嘅時間,可能比食飯、飲水、睇電視嘅時間都要多。但手機電池,唔係部部都咁大,大部份係 2000 - 3000mAh 左右,不少網友都投訴唔夠用!  Lenovo P1 最大賣點就係「電」,內置  5000mAh 電池,等於兩部其他手機嘅總電量!到底,5000mAh 電池,代表什麼乜呢?以下我地用幾個測試,去了解一下,五千電係日常使用裡面,可以用到幾盡! 

    五千電量大測試 Lenovo P1 用足三日 不用充電-0
    ▲ Lenovo P1 是一部中高檔嘅智能手機。它有 5.5 吋 Full HD 屏幕,採用 Qualcomm S615 八核心 64bit 處理器,並有 16GB ROM 及 2GB RAM。最特別是它有 BlackBerry 級的安全設定,前置 Home key 有指紋解鎖功能,保障手機內的資料! Lenovo P1 內置1300萬素後置鏡頭,支援相位對焦(PDAF) ,能快速的自動對焦。出機已係 Android 5.1 並支援 4G 雙卡雙待。

     五千電量大測試 Lenovo P1 用足三日 不用充電-1
    ▲ Lenovo P1 有鉑銀及香檳金兩色選擇,而香港區 Firmware 採用二層式  (有 App Drawer) 介面,更合香港人用 Android 機嘅習慣。
     

    玩 3D 遊戲:淨番 3%電,都夠打機 30 分鐘

    手機用電量最多嘅,應該都係打機,我們挑選了要求 3D Graphic 的賽車遊戲「GT Racing 2」。測試條件係 100% 電力,插 SIM 卡兼開啟 4G LTE + WiFi,將屏幕開到最亮,揚聲器音量調至 75%,接著連續玩整整 30分鐘,以耗電百分比來估算出續航表現的差異。

    五千電量大測試 Lenovo P1 用足三日 不用充電-2
    ▲ 半小時之後 Lenovo P1 還有 97% 電量,即用了 3% 電量,換算上來,Lenovo P1 可以在 連上WiFi + 4G 網絡下,連續玩 3D 遊戲約 16 小時 35 分鐘!  若果你係手機遊戲狂,用 P1 打機,可以打足大半日!一般旗艦手機,多數只可以打 3-5 小時,Game 迷用 Lenovo P1 真係可以打餐飽!


    睇片測試:1 個鐘只耗 5% 電

    睇片浪費電力架! 我們就試試連續播放 Youtube 串流影片的續航力。在 100% 電力,插入 SIM 卡同時連上  WiFi 網絡,將屏幕開到最亮, 揚聲器音量為 75%,播放電影 「古惑仔之人在江湖」 嘅 1080p 50fps 版本,連續播一小時。

    五千電量大測試 Lenovo P1 用足三日 不用充電-3
    ▲ 一小時之後 Lenovo P1 還有 95% 電量,即用了 5% 電量,換算上來,Lenovo P1 可以連續播放大約 20 小時分鐘 Full HD 影片。Lenovo P1 連續播片時間好長,就算你當佢係示範屏幕,夠你睇播足一整天,都唔駛充電! 

    客觀跑分軟件 : P1 電池效能勝旗艦
    坊間也有電量相關嘅實測 Benchmark!我地揀了 Geekbench 3 Battery Test。我地會係 Run Benchmark 時,同時開啟 WiFi + 4G 網絡。結果 Lenovo P1 造出以下嘅成績。

    五千電量大測試 Lenovo P1 用足三日 不用充電-4
     
    ▲ Batery Test 你可以預計是用不停啟動手機處理器應用程式,如睇片、打機等,可連續用到幾多小時。係 Lenovo P1 裡面,Battery Run Time 就有 11 小時 55 分,分數大大超越不同廠牌嘅旗艦手機。

     

    一般使用測試:P1 用三日

    上面幾個例子,都比較極端,咁係一般情況下 Lenovo P1 充滿一次電,可以用幾耐?我地用 csl. 4G 網絡,在開啟 Facebook、FB Messenger、Google Sync 的服務下,用了三整日,有電池測試軟件顯示作證,即係為 Lenovo P1 充滿一次電,三日內都唔怕無電了。


    五千電量大測試 Lenovo P1 用足三日 不用充電-5
    ▲ 由電量檢測軟件,我地睇到 Lenovo P1 堅有三日嘅使用時間,幾日充一次手機電不是夢。
     

    其他電力配備: Rocket Charge 快充

    除了 5000mAH 大電池, Lenovo P1 還有三項同電量有關嘅功能!  首先,P1 支援 Rocket Charge 快速充電技術。雖然 P1 也是用上 Qualcomm 的 SoC,但 Lenovo 自家 Rocket Charge 更加配合 Lenovo P1。跟機的快速,用一般嘅 USB 接線,已可以做到 24W 大功率輸出,相對 Qualcomm 本身嘅 Qualcomm Quick Charge 2.0 嘅 15W 輸出,充電速度更快。1 小時充電  67% ;  2 小時便已可把 P1 嘅 5000mAH 電池充滿。

    五千電量大測試 Lenovo P1 用足三日 不用充電-6
    ▲ Lenovo P1 跟機已有快速充電器 Rocket Charger,提供 24W 充電效能。遇著 P1 五千電,都只係要兩小時左右就充得滿。
     

    其他電力配備 : 反向充電

    有五千電嘅 Lenovo P1,其實可以透過跟機送的 OTG 轉駁器,把 Lenovo P1 變為外置充電器。 有乜用呢?當你朋友手機無電,甚至其他支援 USB 充嘅電子器材無電,如好流行嘅「暖蛋」,都可以出動 P1 充當充電器!試想一下,P1 本身都有 5000mAh 電池,送一半俾朋友,都用得足一日架! 

    五千電量大測試 Lenovo P1 用足三日 不用充電-7
    ▲ 五千電若果你用唔晒,其實可以透過跟機送的 OTG 轉駁器,把 Lenovo P1 變為外置充電器。

    其他電力配備 : 一鍵省電
    Lenovo P1 的左側有個獨有嘅按鍵,令它支援「一鍵省電」。當手機只有幾巴仙電量,極致省電模式亦可以令手機有更長的待命時間。此外,當你要外遊,因為怕漫遊數據爆煲唔多上網,我地可以輕輕一按呢個鍵,把手機進入極致省電模式,手機變回最普通用來收話音、SMS,至少做到最基本嘅話音功能。

    五千電量大測試 Lenovo P1 用足三日 不用充電-8
    ▲ 一按省電鍵就在機左側。
     

    小結:真長氣手機

    今次測試,主要針對 Lenovo P1 嘅電池效能。內置 5000mAH 電池,本身已係好「屈機」,無論打機、睇片,電量都是熱門手機嘅兩倍以上,播片時間更長。更加要讚係 Lenovo 為 P1 配備外置充電功能,因為 5000mAH 電量,大部份人一日用不完,用來為平板、朋友嘅手機作額外電力,十分有用。當然,配上 Rocket Charge 快速充電,要上滿 P1 電量也不用等好耐! 至於其他 Lenovo P1 嘅效能及功能,我地之前已有實測講過,大家可以 Click 呢到再重溫

    Lenovo P1 係文章刊登時,賣價為 $2499,按這裡有詳細規格及最新賣價

    料由客戶提供
    快加入會員賺 EP!累積點數、免費換優質商品

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    相關產品▼
    • lenovo P1
    • 現時售價: 已下市
    • 尺寸: 152.9 x 75.6 x 9.9 mm / 189 g
    • 電池: 5000 mAh
    • 插卡: microSD
    • 螢幕: 1920 x 1080、 5.5 吋 IPS TFT
    • 相機: 1300 萬像素CMOS
    • 顏色: 銀/金
    • 時間: N/A
    • 上市: 2015-11-18
    • 外型: 直立
      • 3G
      • 無 HSDPA
      • 衛星導航
      • Wi-Fi
      • 藍牙
      • microSD 記憶卡
      • 無 觸控
      • 自動對焦
      • LED 閃光燈
      • 無 氙氣閃光燈
      • 3.5mm 耳機孔