屏幕回到 5 吋芒，RAM + 內置容量全面提升是重點！
m2 基本上可以話係在香港銷情不錯的 m2 note 的兄弟機，係規格上雖然更為入門但定價都更低。係規格上 m2 的屏幕改為 5 吋 720p 解像度，而處理器就係 MT6735 1.3GHz 處理器配上 2GB RAM 以及 16GB 內置容量。係相機方面就有 1300 像素主鏡頭配上 500 萬像素主鏡頭，電池容量就有 2500mAH ，預載基於 Android 5.1 的 Flyme 4.5 。
▲用上左 64bit MT6735 處理器的 m2 魅族強調係效能上係遠勝紅米 2 。
▲係內置容量上都有 16GB 以及支援最大 128GB SD 卡
▲係軟體上就用左號稱大陸首款Android 5.1 64Bit 系統的 Flyme 4.5 。
▲係電池上 m2 有「 5 吋 699 元價位最大電池」， 2500mAh 電池由 ATL 以及 Sony 提供。
▲相機方面 m2 一樣有 1300 萬像素相機，官方都提到係相機上佢哋用左升級左的 ISP 算法。
▲係前鏡頭上就用左 500 萬像素 F2.0 大光圈，同時有美顏模式以及 69 度廣角。
▲ 係發佈前拎埋 Nokia 來講無非都係想強調 m2 做功紮實，所以係發佈會上魅族再請來紅米 2 做對比。
▲ 大家都知道一般來講魅族手機係沒有附送耳機的，但今次魅藍新機就可以加 69 蚊人仔買 JBL T100A 。
▲價錢就係 599 人仔（電信版同非電訊版一樣）。
其實如果同魅族上一代只係在大陸有賣的魅藍手機相比，今次的 m2 可以話係一個小升級，除左改用 MT6735 之外仲有 2GB RAM 以及 16GB 內置容量以及同樣支援最大 128GB SD 卡。雖然只能夠話係小升級，但有留意開千元樓下價位手機的朋友相信都會明白 RAM 同內置容量不足往往係令人卻步的主要因素（畢竟 1GB RAM 以及 8GB ROM 實在好難搞），今次 m2 係呢兩方面有提升其實都相當重要。另外就係價錢上了， m2 比起本來定價 699 人仔的魅藍手機更平，只係 599人仔（約為 $748 港幣）。呢個價錢簡直係衝著紅米 2 而來啊！唔知大家又覺得魅族今次呢部 m2 又算唔算吸引呢？大家一齊講講啦！
閱讀更多相關文章：
Meizu M2 跑分快測！ 性能真係力壓紅米 2？
加 RAM 價錢更平！魅族新機 m2 八百有找做唔做到紅米 2 殺手？
八百有找壓死紅米 2！ 版主 Meizu M2 上手圖賞
