主題:魅族香港玩完?專門店暫停產品銷售,11.18 起正式關閉

ePrice HK
  • 發表時間:2019-11-12 15:41 收錄檢舉
    雖然魅族喺國內仍有推出手機,但香港方面已經一早無哂聲氣,而早在一兩個月前,版主更聽聞魅族香港即將玩完,話年底之前魅族專門店會執。估唔到,魅族今日就親自證實咗我收到嘅消息,魅族專門店將會今個月內關閉。唔怪得,衛訊今個月突然將魅族 16th 賤價清貨啦......

    魅族香港玩完?專門店暫停產品銷售,11.18 起正式關閉

     

    根據魅族香港官方 Facebook 帖文的內容:

    【客戶服務中心遷移通知】
    由於業務需要,魅族產品之售後維修服務於 11月18日 起遷至旺角西洋菜南街 2A-2H 號銀城廣場 12 樓。

    售後服務時間:星期一至星期六上午十一時至晚上八時,星期日及公眾假期休息

    即日起香港專門店暫停產品銷售服務,用戶可到網上商店或指定商戶選購魅族最新產品。


    魅族即日起位於荷里活商業中心 19 樓嘅專門店唔會再有機賣,直至 11 月 18 日正式關閉。維修服務則轉移到銀城廣場。如果想買魅族手機,可以趁衛訊未清完貨入手,或者到魅族網店買。網友聽完呢個消息,又點睇呢?留言講下啦!

    (12/11 18:16 更新)  有關魅族香港玩完一事,魅族其後進一步向版主補充:其實仲未玩完,「只是cs遷移,公司在渠道也合作,並增加50幾間獨立店銷售不同於主流渠道的型號及配件」。

    立即加入Facebook 專頁,新聞/消息/優惠,最快知。

    01樓 ▲TOP 回列表頁