主題:玩轉 MTK ,再玩賤 Qualcomm! 小米推紅米 Note 3 全網通

ePrice HK
  • 發表時間:2016-01-14 16:33 收錄檢舉
    當 MTK 聯發科上年年頭推 Helio X10 處理器,就想打入高檔手機市場,唔想 MTK = Cheap Cheap CPU 呢個名再繼續一下。多謝小米,死都要扮「性價比」之王,將 Helio X10 處理器系列手機,玩到千元樓下。今次再被玩賤係多年拍檔 Qualcomm。係中國大陸官網突然推出紅米 Note 3 全網通版本。最大分別係採用新一代 Qualcomm CPU Snapdragon 650 (S650),但價錢都係人民幣千元手機。連 Qualcomm 都被玩殘,網友又咁鐘意得個數字嘅性價比手機,相信好快,大家選擇只有小米,大陸同小米手機,即係無得揀。

    玩轉 MTK ,再玩賤 Qualcomm! 小米推紅米 Note 3 全網通

    小米於中國大陸推出紅米 Note 3 全網通版本,其實可以說是紅米 Note 3 Pro。和先前發表的雙網通版本,除了處理器和主相機升級至 1600 萬像素之外,其他硬體規格都相同。均內建 5.5 吋的 1080p 螢幕,2 GB / 3GB RAM 和 16GB / 32GB ROM,另外包含 4000 mAh 電池和指紋辨識器等規格也都一樣。紅米 Note 3 全網通版本預計 1 月 17 日在中國市場開賣,香港,當然未知。

    咁紅米 Note 3 全網通版,今次升級又勁唔勁呢?今次唔再用 MTK 處理器,改用高通 Snapdragon 650。立即好處係除了支援中國大陸三大手機 3G / 4G 網絡,亦做到香港有了好耐嘅 4G+ 即係香港 csl. 叫 300 速,亦即係技術上嘅 Carrier Aggregation 載波聚合,令手機同時收幾條不同嘅 4G 網段,令上網速度更快。除了支援 4G+,改用 Qualcomm CPU,亦令它有 VoLTE,可以用 4G 網絡打電話,話音更清晰。但版主亦要提醒想入手「國行」(中國大陸行貨,咪即係「陸水」)嘅朋友,Carrier Aggregation 與 VoLTE 每個網絡商嘅技術不同,水貨未必享用到服務。

    另外,S650 跟 HTC One A9 採用嘅 S617 CPU 一樣,都係新一批 CPU,有更加省電、有效率嘅優點。當然,大家都係睇數字做人,S650 採用嘅 Adreno 510 圖像處理器,亦係 Snapdragon 處理器中最新,圖像效能更好,係咪打大作唔會 Lag?可能係,都應該係,感覺上都係。

    玩轉 MTK ,再玩賤 Qualcomm! 小米推紅米 Note 3 全網通
    小米 Note 3 早前版主玩過,先不講功能,其反傳統金屬機卻好有膠感嘅設計,令版主明白到,性價比高嘅手機,係可以幾屈機。今次升級版,用上數字上咁勁嘅 Spec,相信又會引係一批好愛睇數字,感覺良好又要高效能嘅網友嘅注意。大家會係 17/1 入手嗎?16GB /2GB RAM 版本賣價為人民幣 999、32GB / 3GB RAM 版本賣價為人民幣 $1199。

    消息來源:小米
    多謝支持 ePrice.HK

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    熱門討論▼
  • 發表時間:2016-01-15 10:42 檢舉
    S650一推出就比佢玩個咁既價, 啲大廠比佢玩死
    02樓 ▲TOP 回列表頁