主題:版主收風!發佈日期確定,紅米 Note 3 抵港鬥 HTC One X9

ePrice HK
  • 發表時間:2016-03-08 19:41 收錄檢舉
    緊接係小米 5 發佈之後,小米香港都係 Facebook 專頁放風,提到小米將會係 3 月推出用上 Qualcomm S650 的全網通版本紅米 Note 3!係台灣方面,小米已經公佈左會係月底開賣。不過版主就收到風,紅米 Note 3 係香港會比台灣早一步登場,想知就要睇下文啦!

    版主收風!發佈日期確定,紅米 Note 3 抵港鬥 HTC One X9
     

    早過台灣,紅米 Note 3 全網通對手會是 HTC 嗎?

    紅米 Note 3 係今個月推出,而小米 5 最快要 4 月尾或者 5 月先到港,呢兩點相當大家都知道,但確切的開賣資料小米之前其實就未有公佈的。剛剛版主就聽說,小米香港已經選定了發佈日期,將會係 3 月 21 號,呢個日子除左係比 LG G5 3 月 22 號的發佈會早一日之外,亦都係比起紅米 Note 3 係台灣登場的日期更早的(據聞早最少一日)。如果參考以往經驗,一般而言係發佈之後,即日或者遲幾日就會正式開賣。不過價錢方面,版主而家都未有資料,唯有參考一下大陸賣價,以 2GB RAM 的標準版來講,大陸做緊 999 人仔(大約係 $1192 港幣)而 3GB RAM 的高配版就係 1199 人仔(大約係 $1430 港幣)。同樣值得留意係,以上年紅米 Note 2 的經驗看來,小米香港有可能只會引入 2GB RAM 的版本,唔知今次做法會否不同?

    版主收風!發佈日期確定,紅米 Note 3 抵港鬥 HTC One X9
    ▲ 紅米 Note 3 而家都仲有好多未知之數,好似係價錢會係點,會不會同時賣標準同高配兩個版本等等,大家要留意 ePrice 啦!


    同期對手有邊個?會是 HTC One X9 ?

    嚴格而言,紅米 Note 3 同 One X9 唔會係同價位的競爭對手,前者賣價點睇都唔會過到兩千蚊,而後者就點睇都唔似會賣低過兩千蚊。不過,係開賣日期上,兩者就有可能撞到正呢!之前版主都提過, HTC One X9 係改用 Android 6.0 之後,一樣定左係 3 月推出,不過就沒有提到確實的時間。從規格上, One X9 用上 5.5 吋 FHD 解像度屏幕,處理器就係 MTK 的 Helio X10 2.2GHz 八核配 3GB RAM 以及 32GB 或 64GB 內置容量(最大支援 2TB SD 卡)。相機方面有支援 OIS 光學防手震, f/2.0 光圈的 1300 萬像素主鏡頭以及 500 萬像素前鏡,電池都有 3000mAh ,整體同紅米 Note 3 全網版都幾相近。(最主要係處理器不同)兩部同樣係 5.5 吋中階級數的手機,唔知大家更有意欲入手紅米 Note 3 全網通版還是 HTC One X9 呢?留言講講啦!

    版主收風!發佈日期確定,紅米 Note 3 抵港鬥 HTC One X9
    ▲ 將 One X9 同紅米 Note 3 全網版拼埋一齊講,某程度上真係有少少夾硬來。但兩部 5.5 吋中階級數新機都撞正同一個月出,無辦法啦~

    在文章發佈時,紅米 Note 3 全網通版開賣日期未定,按此看手機詳細規格及最新賣價

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    熱門討論▼
  • 發表時間:2016-03-09 21:24 檢舉
    紅米NOTE3全網通, 紅米3, 小米5, 小米4S, 呢4款手機在國內基本上都沒可能正價買到的, 全部都需要加100-500人民幣才能買到的.
    02樓 ▲TOP 回列表頁