真金屬感覺
千元旗艦有無個性?不要要求太多了,紅米 Note 4 不會有好奇特嘅設計,前前後後都是見慣見熟的設計。以版主試玩嘅銀色機身為例,白色的機面,銀色的機背。金屬質地再加 2.5D 玻璃,若果你對手機潮流不熟悉,又好難分得出佢係小米定三星。似不是壞事,只要好揸,好睇就得。用呢個 Standard,紅米 Note 4 絕對合格仲要更高分。而今次紅米 Note 4 的金屬質感,都比之前小米其他型號都要好,可以說是進步神速。而 5.5 吋大芒用係紅米 Note 4,但絕對不是好大部,比起小米 Max 的巨大版,更加真正手機應該有的大細。▲ 白色機面,銀色機背,是十分大路的設計。
▲ 雖然是 5.5 吋,但不算好大部,單手握機都 OK,不過,175 克,都有一定份量。
▲ 今次終於有番金屬手機應有的冷感。
▲ 比較可惜係依然採用 1+2 SIM 槽設計,用記憶卡,就會變成單卡。
▲ 小米是咁樣形容:紅米 Note 4 嘅金屬一體化機身設計,來自一整塊鋁合金,通過 30 多道工序製作而成,表面由上而下,呈現一致的金屬光澤。其實,只要睇睇機側,都可以感受得到。
▲ 音量鍵,開關鍵在機側。
屏幕與相機
很多網友試手機,都是試試屏幕靚唔靚,影相正唔正。紅米 Note 4 採用 5.5 吋 IPS 屏幕,機身軟件也可調控色温。小米說,紅米 Note 4 採用嘅 2.5D 玻璃,比起普通嘅手機屏䓃,更加晶瑩剔透,最重要是真實試用感覺,屏幕係可以顯示出很鮮艷顏色,就算是把屏幕打側,可視角度亦很不錯及沒有偏色。至於相機,小米說紅米 Note 4 用上三星或 Omnivision 千三萬像素相機模組,擁有 F2.0 大光圈及 PDAF 相機對無焦。版主試過,影相速度是快的,無論夜景及日拍,都可以輕鬆都應付到。係 MIUI8 下,紅米 Note 4 嘅特別拍攝效果及玩意唔算多,亦無手動效果。至於拍攝效果係點,不如大家睇相,再評論一下。
▲ 紅米 Note 4 嘅屏幕效果。
▲ 紅米 note 4 相機玩意,以簡單為主,就算手動模式,也沒有太多參數可以調教。
試相區
▲ 在香港嘅試相
▲ 於台北發佈嘅試相。
效能齊齊睇 + MIUI8
紅米 Note 4 是千元手機,港幣千五蚊有找,但採用一個中上嘅 SoC 配套:MTK Helio X20。除了是十核 CPU 架構,其 20nm 制程,亦具比較好嘅省電效果。以比較多人用嘅 AnTuTu 效能評測軟件作實測,分數為八萬三千分左右,大約等於 Samsung Galaxy Note 5 效能,再加上國際版 3GB RAM 日常運作應唔會 lag 吧。小米手機都會用上 MIUI,紅米 Note 4 一出機已係 MIUI 8,比起普通 Android 6.0 系統,加入了分身操作,即係可以一部機,有兩套不同介面,運作相同但不同登入嘅 App 或是完全不同的應用;而自動 Wallpaper,會自動顯不同待機 Background,令日日都有新鮮感。▲ 由 CPU-Z 睇到紅米 Note 4 用 MediaTek MT6797 即 Helio X20 十核心處理器,架構為 8x Cortex A53 + 2x Cortex A72。
▲ AnTuTu 跑分為 83869,其中 3D 效能都有萬五分,唔算差。
▲ Basemark ES 2.0 Taiji Free 用來核實手機玩 3D 手機效能,去到 59.36fps 代表打 3D 遊戲,效果會很好。(最高為 60fps)
▲ 紅米 Note 4 用上 MIUI 8,除了《手機分身》亦有不同效能模式選擇,想更加省電,可選擇流暢模式。
▲ 自動轉換背景亦係 MIUI 8 賣點之一。
紅米 Note 4 會係香港時間, 9 月 27 日開售,香港開售金,銀,灰三色,售價為 HK$1499,按呢到知道更詳細規格及最新賣價。