只需四千蚊!「三星 Note7」平價抵港?

左定坤 (Cho Ting Kwan) 2016-11-04 20:25 | 小米
版主成日都話,三星 Note7 如果唔爆的話,其實都係一部好機,可惜就正正因為佢爆左炸,而導致停產,實在是有點遺憾。不過,今日版主在深水埗細舖行場時,居然俾我再次發現「Note7」,而且賣價唔係六千,而係四千,不知網友覺得抵唔抵,會唔會考慮入手呢?睇下文啦!

小米 Note 2(Facebook).jpg

「Note7」再抵港?四千左右平價賣!
見到版主用引號引住 Note7,聰明的讀者應該都知道,版主其實係玩緊嘢,真係有店舖仲敢放 Note7 出黎賣咩?佢敢賣,你都唔敢買啦!講緊嘅係,外型 9 成似 Note7 的小米 Note 2,上個月尾時在北京發表,早幾日正式在大陸開賣,好快就見有水貨正式抵港。在深水埗福仁某細舖門前,見到大大張紙寫住小米 Note 2 搶先登場,第一水賣價約為 $4090。不過,因為已經到貨有一兩日,最新水貨價大約跌多 $100 左右,即約 $3950,呢個價,不知網友又有沒有興趣呢?

14962374_338682019823944_1317685323_n.jpg
▲ 小米 Note 2 已經抵達深水埗福仁,不過一樣係有炒價,第一水賣 $4090,而家大約跌多一百左右。

14937840_338686919823454_1311376545_n.jpg
▲ 講真,真係有點似 Note7,難道不是嗎?

小米 MIX 第一水成二萬蚊!原來係真?
你可能會問,小米 Note 2 都到左貨,小米 MIX 有得買未呢?有!其實深水埗店舖無 show 出來,不過版主去問,有福仁店舖表示,係有現貨的,不過係炒價,前幾日仲要賣到成二萬蚊添!真係唔係講笑,原來炒價炒到二萬,係真有其事,不過如果今日要買的話,就要九千幾蚊,店員話,俾得起,就有現貨喎!我問,咁貴乜有人會買架咩?佢話總會有人有錢得滯,貪新鮮買番去嘅!版主聽到都呆了一呆,不過有錢人的世界,我呢啲窮鬼識條鐵咩?不過,版主相信,過多一排,小米 MIX 好快就會跌番落正常價,網友又覺得,幾多錢的小米 MIX,你先會接受呢?

小米-mix-3.jpg

小米 Note 2 在文章發表時,香港上市日期未定,按這裡有詳細規格及最新賣價
小米 MIX 在文章發表時,香港上市日期未定,按這裡有詳細規格及最新賣價

最新新聞