主題:S660 大升級!效能速試,S710 處理器真係有咁堅?

ePrice HK
  • 發表時間:2018-05-31 18:05 收錄檢舉
    傻的嗎?小米一口氣發表咗好多手機,又小米 8,又小米 8 透明探索版,又小米 8 SE,喺呢個又悶又熱的異鄉中,真係玩死版主。仲要媒體體驗要 10 分鐘影 3 部機,教媒體們點「體驗」你部手機呢?老實,三部機係咪好特別呢? 又唔係,咪又係抄考 iPhone X 設計~ 甚麼透明探索版?咦 HTC 黎嘅?而講規格,小米 8 同小米 8 透明探索版,旗艦機嘛,一早就估到佢用 S845 啦!比較值得關注下嘅,得小米 8 SE,首發 S710 處理器,堪稱 S845 的低階版,S660 的後繼版,效能真係咁堅? 睇過~

    S660 大升級!效能速試,S710 處理器真係有咁堅?

    其實整個發佈會,出咗三部手機,都唔係重點。對我而言,小米 8 SE 所用的 S710 處理器,才是我最關注的東西。事實上,昨日版主在準備小米 8 系列發佈文的時候,留意到呢粒 S710 U,對佢好感興趣,不斷研究到底同上代 S660 有甚麼不同。S710 同 S660 其實有好大不同,首先 S660 係用 14nm 制程,要知道愈細 nm,其實就代表粒 U 愈省電,今代 S710 升級到 10nm 制程,其省電能力是值得期待的 (不過好似嚟緊仲會有粒 S730 U,8nm 制程,就似乎更叫人期待)。而 S660 處理器用上 4 + 4 的架構,到了 S710 改用了 2 + 6 的架構,小米表示整體性能相比 S660 提升 20%,網頁瀏覽速度提升 25%,而應用啟動速度則提升了 15%。

    S660 大升級!效能速試,S710 處理器真係有咁堅?

    在媒體體驗區,10 分鐘影 3 部機,玩死班媒體。而版主好努力的,成功爭取到幫小米 8 SE 跑了一次分。根據安兔兔跑分軟件測試的分數,小米 8 SE 得出的成績為 163384 分,當中 CPU 成績有 66604,比較過用 S660 處理器的 Nokia 7 Plus,其實 CPU 效能跟上代差不多。不過,GPU 成績就有 47854 分,確實見到係有點進步嘅。係,分數係高分咗,但都不過係數字遊戲黎,實際用係咪真係咁好?相信網友心中都有個答案。對於呢粒 S710 處理器的能力,網友期待嗎?

    S660 大升級!效能速試,S710 處理器真係有咁堅?
     

    立即加入Facebook 專頁,新聞/消息/優惠,最快知。

    01樓 ▲TOP 回列表頁