主題:中晒槍!二千有找 小米 A2 香港即賣!發佈會瘋狂比死三星

ePrice HK
  • 發表時間:2018-07-22 23:15
    笑死了!版主睇了唔少手機發佈會,尤其係大陸出品嘅手機,都會劍指 Apple,部部都話自己好過 iPhone 乜乜乜。不過,進運歐洲的小米,去到老遠西班牙發佈最新面向國際用家嘅型號,小米 A2,比較就難免,但今次對像唔係蘋果,係三星。笑點位係:唔係比較 Note 8 / Note 9 / S9,係一部過晒起 2017 出品嘅中價機 Galaxy A8!新比舊,唔好就奇,係咪先!咁小米 A2 有無 A8 咁貴先 (香港嘅 A8 新系列,賣價唔平價)!一齊睇睇!

    中晒槍!二千有找 小米 A2 香港即賣!發佈會瘋狂比死三星

    小米推出的手機,其實在香港很有市場。最主要原因是夠平,性價比夠唔夠就唔知,但呢排廣告多成咁,唔係都變係。然而版主覺得,並非所有小米手機都值得入手,之前我會推介小米首部 Android One 手機小米 A1,可能受到 S625 處理器的影響,使用久了始終體驗不夠順暢,本網大師 YK 更認為此機不值一賣,連上網都唔掂。今日,小米在西班牙發表了新一代 Android One 手機小米 A2,規格有升級,無咗唔係好合香港人用嘅 MIUI,Google  純 OS 為賣點。今次同場仲有小米 A2 Lite 不過香港就唔會賣。!

    中晒槍!二千有找 小米 A2 香港即賣!發佈會瘋狂比死三星
    ▲ 小米 A2 會有三款顏色。

    中晒槍!二千有找 小米 A2 香港即賣!發佈會瘋狂比死三星
    ▲ 金、藍,黑。

    國際版的小米 6X,用上 Android One 作業系統
    事實上,關於這部小米 A2 的外型和規格,相信各位網友都應該早已知得一清二楚。為甚麼呢?就跟小米 A1 是小米 5X 的國際版一樣,小米 A2 正正就是小米 6X 的國際版,最主要的賣點就是,小米 A2 是小米跟 Google 合作推出的 Android One 手機,是會運行原生 Android 系統,個人認為總比起 MIUI 吸引。

    雖然說跟小米 6X 大致一樣,不過我還是有義務要跟大家說說這部小米 A2。小米 A2 採用了 5.99 吋屏幕,屏幕比例為 18:9,機背採用了金屬材質,配備了 Qualcomm S660 處理器,並內置最高 6GB RAM 以及 128GB ROM。同時,小米 A2 具有雙鏡頭設計,兩個鏡頭分別為 1200 萬像素 (Sony IMX486 感光元件) 以及 2000 萬像素 (Sony IMX376 感光元件),光圈值為 F1.8,並支持 AI 拍攝。至於前置鏡頭部分,小米 A2 則用上 2000 萬像素鏡頭。而電池容量方面,小米 A2 電量有 3010mAh,並運行 Android 8.1 作業系統。

    中晒槍!二千有找 小米 A2 香港即賣!發佈會瘋狂比死三星
    ▲ 雖然 A2 強調用二千萬像素鏡頭,但其實只係二鏡,要開咗佢,仲要係佢用上四合一 Pixels 先做到。

    中晒槍!二千有找 小米 A2 香港即賣!發佈會瘋狂比死三星
    ▲ 比 A8

    中晒槍!二千有找 小米 A2 香港即賣!發佈會瘋狂比死三星
    ▲ 比 A8....

    中晒槍!二千有找 小米 A2 香港即賣!發佈會瘋狂比死三星
    ▲ 比 A8....比比比

    不只是小米 A2,小米仲有另一部 Android One 手機 ——小米 A2 Lite
    不過,除咗小米 A2 之外,今次的發佈會上還發佈了一部略為入門級別的手機 —— 小米 A2 Lite,屏幕比小米 A2 略小,有 5.84 吋,具有現時被逼「流行」的 M 字額設計,配備 Qualcomm S625 處理器,並內置最高 4GB RAM 以及 64GB ROM。相機部份用上 1200 萬像素 + 500 萬像素雙主鏡頭,而前置鏡頭則為 500 萬像素,並支持 AI 人像、AI 美顏等技術。續航部份,小米 A2 Lite 內置 4000mAh 電池,並同樣運行 Android 8.1 作業系統。小米 A2 Lite 具有「真三卡」設計,具有後置指紋辨識,並會有金、黑、藍三色選擇。不過,香港就無得買。

    中晒槍!二千有找 小米 A2 香港即賣!發佈會瘋狂比死三星
    ▲ 小米 A2 香港已有售,賣價為 $1980 (水貨國際版,香港行貨若八月初開賣) 。

    小米 A2 在文章發表時,香港上市日期未定,但深水埗已有水貨,4GB + 32GB 賣 $1980,按這裡有詳細規格及最新賣價

    立即加入Facebook 專頁,新聞/消息/優惠,最快知。

    01樓 ▲TOP 回列表頁