紅米 Note 9T 開箱！少有防刮防指紋機背設計
一如既往，都係由外觀部分講起。外觀上其實就普普通通，部部手機都差唔多樣，6.53 吋芒，1080p 解像度，穿窿芒設計，就咁睇個樣就驚喜不大。而我覺得最值得講下，係紅米 Note 9T 摸上手嘅感覺，最主要係佢用上防刮防指紋防濺水嘅材質，同一般手機唔同嘅，係佢唔係用上平滑嘅機背，而係好似摸到機背有啲凹凹凸凸嘅坑紋，有少少類似之前 YK 介紹過部 ASUS Chromebook Tablet CT100 果種質感。唔好講千元手機，就算係旗艦手機，都好少有呢種材質。呢樣係幾值得一讚嘅！而手機實機係點，立即開箱同大家一齊睇下啦！
紅米 Note 9T 包裝盒。
內裡有火牛、USB 線、卡針、透明膠套。
6.53 吋 FHD+ 屏幕。
穿窿芒。
我手上的是紫色機背。
圓形的三鏡頭設計，隱約見到有凹凸坑紋。
底部是 Type C 插槽。
右側為音量鍵 + 結合指紋辨識的電源鍵。
真三卡插槽。配備天璣 800U 處理器！屬於高通咩級數 CPU？UFS 2.2 又幾快？
規格部分，紅米 Note 9T 採用了 MTK 天璣 800U 處理器，而我手上呢部就內置 4GB RAM 以及 128GB ROM，而特別要提一提嘅，係紅米 Note 9T 所用嘅 ROM 係 UFS 2.2。下面我哋都會同大家一齊了解下。
安兔兔跑分
AndroBench 5根據安兔兔跑分結果顯示，配備 MTK 天璣 800U 的紅米 Note 9T，跑分成績為 295958 分，當中的 CPU 成績有 92916 分，而 GPU 成績則有 81754 分。翻查 ePriceHK 測試手機記錄，呢個成績比用 S730 處理器的三星 Galaxy A71 還要高分 (我哋嘅記錄為 275818 分)，同時係同用 S765G 嘅 Moto RAZR 相若 (我哋嘅記錄為 292522 分)。
至於用來測試 ROM 嘅連續 / 隨機讀寫速度，紅米 Note 9T 用上咗 UFS 2.2，同 UFS 2.1 最大分別係，佢連續寫入速度會有所提升，具體數字係點? 同用 UFS 2.1 嘅 HTC U20 5G 比較，其實只係 351.84 MB/s 同 477.3 MB/s 嘅分別，就係咁。至於影響使用體驗的隨機讀寫速度，則跟 HTC U20 5G 差不多，甚至更加稍快一點，意味會再順暢多少少，網友又點睇呢？
三鏡頭設計！閹割咗超廣角係不智之舉
本來呢，呢部紅米 Note 9T 畀我印象唔算差，因為夠平，係抵玩嘅，但發佈會完，小米出咗新聞稿後，先發現原來紅米 Note 9T 國際版嘅相機，係同大陸版唔同：大陸版明明係有 8MP 超廣角鏡頭，但家陣國際版就無咗，換成 2MP 景深鏡頭，唔係話景深鏡頭無用呀，但係超廣角鏡頭有用啲囉。至於另外兩個鏡頭，則係 48MP 高解像度鏡頭以及 2MP 微距鏡頭，又係我覺得實用性比較低嘅功能。唔知大家又認唔認同呢？不過咁，既然唔出都出咗，就一於都睇下，呢部千元紅米 Note 9T，影相質素如何。對比起其他品牌，我覺得小米出品同價位嘅手機，影相質素算係唔差，除咗上次試 POCO M3 覺得比較窒機之外。
48MP 高解像度拍攝 (左) VS 標準拍攝 (右)
而放大咗之後就如下圖：
人像景深拍攝
▲ 人像模式可以讓你在拍攝前後自行調較光圈值，以增強景深效果，而為了讓大家更清楚看到其景深算法的準確度，版主將其光圈調到最大。而放大至耳邊位置，你會發現並不是計算得十分準確，有半隻耳仔都被 Blur 了。
微距拍攝
▲ 微距拍攝可以讓你近距離拍攝細微的事物。
小結
呢部手機最值得讚嘅，除咗價錢夠平，重點係個樣、個設計唔錯，機背用上防指紋、有坑紋的材質，同時亦唔會咁易滑手。至於效能部分，雖然係用 MTK 天璣 800U 處理器，不過性能部分其實已經比 Qualcomm S730G 處理器還要強，千零蚊性能贏到三千蚊手機，算係唔話得吧？另外，相機部分如我所講，而家小米就算千零蚊手機，雖然可能仍有點瑕疵，但影相都唔會十分差。但可惜在，明明大陸版都仲有超廣角鏡頭，去到國際版居然會無咗，好嘢就留返畀中國人...... 咦咪住，乜香港唔係都......紅米 Note 9T (64GB) 在文章發表時，建議零售價為 $1599，按這裡有詳細規格及最新賣價。
紅米 Note 9T (128GB) 在文章發表時，建議零售價為 $1799，按這裡有詳細規格及最新賣價。