小米用家有福了!原來衛訊而家都收小米手機

左定坤 (Cho Ting Kwan) 2021-01-30 19:26 | 小米
好多時候我哋買新手機,都會拎舊機去放出去,有心機嘅咪自己去肥花二區或者旋轉拍賣放囉,無心機嘅咪直接畀收買佬,或者直接 Trade in 畀大舖去換新機囉,分分鐘大舖 Trade in 仲有額外優惠𠻹!不過,如果你手上係用緊小米手機,好多時都會遇到一個難題,就係去到一些大舖例如衛訊,都唔會收小米手機。不過,而家佢哋收返小米手機喇!

FB.jpg

隨住衛訊都開始開賣小米產品後,而家佢哋都接受小米手機嘅 Trade in 喇!據衛訊 FD 子所講,就話之前之所以唔收,主要係因為有段時間有超多假機,所以佢哋唔收喎。咁而家點解又收呢?唔通而家少咗假機?唔知了。總之重點係,而家佢哋肯收小米手機,就算你用緊小米手機,都可以享有佢哋啲 Trade in 優惠,網友又點睇呢?

最新新聞