一個月減兩次!S8 Gen 1 旗艦小米 12 系列大舖再有新低價 減足 $1000!

左定坤 (Cho Ting Kwan) | 小米
話說上星期六先同大家分享完,小米 12 大舖推出未夠一個月就劈 $700 咁多,估唔到只係過多幾日啫嘛,大舖已經又有新低價!到底係咩原因,導致呢部 S8 Gen 1 旗艦一減再減呢?見到有網友覺得,原本減咗個價已經好抵,話可能係最平價 S8 Gen 1 行貨手機,而家再減,減足 $1000,咁咪更加抵,要即衝?想知詳情,睇下文啦!

小米 12 系列三機豐澤再有新低價,同樣係易賞錢優惠,不過價錢比上星期再平,當中最平 S8 Gen 1 旗艦嘅小米 12,仲要唔係平一兩百咁少,而係再平多 $300!!!換句話講,即係由建議零售價 $5699 減到 $4699,減幅高達 $1000!另外小米 12X 以及小米 12 Pro 都有再減,不過就無小米 12 咁多,前者最新賣價為 $3899,比上星期個價平多 $200,叫做跌到落 3 字頭,而後者最新賣價則為 $6999,只係平多 $100 但叫做落到七千有找。

f89c0930-67e5-11ec-bfcb-2ca0712bdf8b.jpeg



以下為小米 12 系列三機規格詳情
 

小米 12

小米 12 採用咗 6.28 吋 AMOLED 屏幕,支援 1-120Hz 屏幕刷新率,顏色有灰、藍、紫三色,配備 S8 Gen 1 處理器,香港內置 12GB RAM 以及 256GB ROM,電池容量為 4500mAh,支持 50W 無線充電 + 67W 有線充電。相機部分用上 50MP 廣角 + 13MP 超廣角 + 5MP 長焦微距鏡頭。另外,手機亦支持 Harman Kardon 調音雙喇叭。
 

小米 12 Pro

小米 12 Pro 採用咗 6.73 吋 AMOLED 2K 屏幕,支援 1-120Hz 屏幕刷新率,顏色有灰、藍、紫三色,配備 S8 Gen 1 處理器,香港內置 12GB RAM 以及 256GB ROM,電池容量為 4600mAh,支持 50W 無線充電 + 120W 有線充電。相機部分用上 50MP 廣角 + 50MP 超廣角 + 50MP 遠攝鏡頭。另外,手機亦支持 Harman Kardon 調音雙喇叭。
 

小米 12X

小米 12X 採用咗 6.28 吋 AMOLED FHD 屏幕,支援 1-120Hz 屏幕刷新率,顏色有灰、藍、紫三色,配備 S870 處理器,香港內置 8GB RAM 以及 256GB ROM,電池容量為 4500mAh,支持 67W 有線充電。相機部分用上 50MP 廣角 + 13MP 超廣角 + 5MP 長焦微距鏡頭。另外,手機亦支持 Harman Kardon 調音雙喇叭。

 
廣告